گه‌ڕان

Shadow Shadow
سیاسه‌تی

ئێران؛ تەنها ساڵى ڕابردوو 30 هەزار بڕوانامەى ساختەى ماستەر و دكتۆرا فرۆشراوە

2020.05.30 - 23:17
ئێران؛ تەنها ساڵى ڕابردوو 30 هەزار بڕوانامەى ساختەى ماستەر و دكتۆرا فرۆشراوە

ناس کورد-

وەزارەتى زانست و لێكۆڵينەوە تەكنەلۆژى ئێرانى ئاشكرايكرد، تەنها ساڵى ڕابردوو 30 هەزار بەڵگەنامەى ساختە لە تارانى پايتەخت فرۆشراوە.

 

لەو بارەيەوە فەرەيدون جەعفەرى، ياريدەدەرى تايبەتى وەزيرى زانست و لێكۆڵينەوەى تەكنەلۆژى لە هەژماری خۆى لەتۆڕى كۆمەڵايەتى تويتەر بڵاويكردوەتەوە، ئەو بەڵگەنامە ساختانەى فرۆشراون خۆيان لە بڕوانامەى ساختە لە پلەكانى ماستەر و دكتۆرا دەبيننەوە.

 

رونيشيكردوەتەوە، ئەو بڕوانامە ساختانە ساڵى ڕابردوو لە مەيدانى ئينقلاب لە تارانى پايتەخت فرۆشراون، هەندێك لە سياسيەكان لە 140 وانەدا دەرچون لە ماوەى دوو وەرزدا و پلەى ماستەر و دكتۆريان بەدەست هێناوە، بەبێ ئەوەى لە وانەكاندا بەشدارى بكەن.

 

ياريدەدەرى تايبەتى وەزيرى زانست و لێكۆڵينەوەى تەكنەلۆژى پێشیوايە، ئەگەر لێكۆڵينەوەى ورد بكرێت لەوانەيە ناوى هەندێك پەرلەمانتارى هەڵبژێردراويش ئاشكرا بكرێن كە ئەو بڕوانامە ساختانەيان كڕيوە.

 

لە ڕۆژى 29\4\2019 يش "عەباس عەلى كەدخدايى" وتەبێژى ئەنجومەنى چاكسازى دەستورى ئێڕانى وتى، ڕێگە لە پەرلەمانتار "سينا كەمال خانى" لەسەر پكشى پارێزگاى "مەركەزى" گيراوە كە بچێتە پەرلەمانەوە، ئەوەش دواى ئەوەى ئاشكرا بوو كە بڕوانامەى ماستەرەكەى ساختەيە.

 

ئەوەشى رونكردوەتەوە، ئەگەر كەسێك لانيكەم پلەى ماستەرى نەبێت ئەوا ناتوانێت لە پەرلەمانى ئێران ببێتە ئەندام.