گه‌ڕان

Shadow Shadow
سیاسه‌تی

سەرەڕای قەیرانی دارایی سێ مانگە بەشە خۆراکی مانگانە دابەش نەکراوە و داوای ڕونکردنەوە دەکرێت

2020.05.30 - 20:29
سەرەڕای قەیرانی دارایی سێ مانگە بەشە خۆراکی مانگانە دابەش نەکراوە و داوای ڕونکردنەوە دەکرێت

 

ناس کورد-

ڕەعد دەهلەكى، ئەندامى پەرلەمانى عێراق داوای ڕونکردنەوە دەکات لە وەزارەتى بارزگانى دەكات بەهۆی ئەوەى ماوەى سێ مانگە بەشە خۆراك دابەش نەکراوە، ئەوەش سەرەڕا خراپى بارودۆخى ئابورى هاوڵاتيان،  وەزارەتەكەش تەئكيد دەكاتەوە كە بەشە بودجەيان بۆ دابين نەكراوە.

 

دەهلەكى لە ڕاگەیەندراوێکدا ئاماژەى بەوەداوە، بەداخەوە وەزارەتى بازرگانى لەئاست ئاڵنگاريەكان و مەترسى بارودۆخەكە نەبووە و سەبارەت بە دابەشكردنى ئەو خۆراكانەى لە فۆرمى خۆراكدا هەن كاتى زۆرى بەفيڕۆ داوە.

 

باسى لەوەشكردوە، وڵات بە بارودۆخێكى تايبەتى قورسدا تێپەڕ دەبێت، ئەويش بەهۆى قەيرانى دارايى و رێوشوێنەكانى قەدەغەى هاتوچۆ بەهۆى پەتاى كۆرۆناوە كە بوەتە هۆى قورسكردنى ژيانى مليۆنان هاوڵاتى لە پارێزگا جياوازەكانى عێراق.

 

پێشیوايە، دەبوايە دامەزراوەكانى حكومەت سادەترين پێداويستيەكانى ژيانيان بۆ هاوڵاتيان دابين بكردايە لەبەرامبەر ڕێوشوێنەكان و هەروەها ئەو باج و سزا داراييانەى لەسەريانە سوك بكرايە، هەروەها چەندين ڕێوشوێنى تريش.

 

ئەو پەرلەمانتارە جەختیشی کردووەتەوە کە بارودۆخەكە مەترسيدارە و ئەگەر حكومەت دەيەوێت هاوڵاتيان گوێ لە ڕێنماييەكانى بگرن تايبەت بە ڕێوشوێنەكانى خۆپاراستن، ئەوە پێويستە لە ئاست بەرپرسيارێتيەكەيدا بێت و ڕێگە بۆ ژيانى هاوڵاتيان دابين بكات كە سادەترينيان دابەشكردنى بەشە خۆراكە كە خۆى لە ڕاستيدا شەرمهێنەرە و بڕ و ژمارەى مادە خۆراكيەكان هيچ وەسفێك هەڵناگرێت.

 

داواش لە وەزارەتى بازرگاني دەكات كە هۆكارى دواخستنى دابەشكردنەكە ڕونبكاتەوە و ئەگەر ناشتوانێت مادە خۆراكيەكان دابين بكات لەژێر هەر پاساوێك بێت ئەوا پارەكەى بەسەر هاوڵاتياندا دابەش بكات لەرێگەى وەكيلەكانەوە، تا بتوانن خۆيان پێداويستيە سەرەكيەكانى خۆراك بكڕن.

 

لاى خۆشيەوە محەمەد حەنون، وتەبێژى وەزارەتى بازرگانى لە ڕاگەیەندراوێکدا ڕايگەياندوە، تێنەپەڕاندنى پرۆژە ياساى بودجە كاريگەرى لەو وەزارەتە كردوە، هەروەها هيچ بودجەيەك بۆ وەزارەت دابين نەكراوە تا بەشە خۆراكى هاوڵاتيانى پێ دابين بكات.

 

رونيشيكردوەتەوە، دەستيان كردوە بە دابين كردنى چوار مادە خۆراكيە سەرەكيەكە كە ئەوانيش برنج، شەكر، ئارد و ڕۆنن، تەئكيديش دەكاتەوە كە سەرەڕاى قەيرانى ئابورى پێويستە بەشە بودجەيان بۆ دابين بكرێت.