گه‌ڕان

Shadow Shadow
سیاسه‌تی

ئامادەسازی بۆ چوونە قۆناغی سێەم و كۆتایی كراوە

زاناكانی چین دڵنیایی لە كاریگەری ڤاكسینی كۆرۆنا بەڕێژەی 99% دەدەن

2020.05.30 - 12:18
زاناكانی چین دڵنیایی لە كاریگەری ڤاكسینی كۆرۆنا بەڕێژەی 99% دەدەن

ناس کورد-

كۆمپانیایەكی تایبەتمەندی چین جەخت دەکاتەوە کە متمانەیان بۆ سەركەوتنی ڤاكسینی دژە كۆرۆنا هەیە و لەئێستاشدا سەرقاڵی دروستكردنی كارگەیەكن بۆ ئەوەی 100 هەزار ملیۆن دانە لەو ڤاكسینە بەرهەمبهێنن.

 

ئەو زانایانەى چین کە كاریان بۆ دۆزینەوەی ڤاكسینێكی دژە كۆرۆنا كردووە بە تۆڕی سكای نیوزیان ڕاگەیاندووە، بەڕێژەی 99% دڵنیان لە كاریگەری ڤاكسینەكە و تەواوبوونی كارەكانی كە لەلایەن كۆمپانیای سنۆڤاكەوە كاری لەسەر كراوە كە لە قۆناغی دووەمدا زیاتر لە هەزار نمونەی كلینیكی خۆبەخشانە بۆ وەرگیراوە.

 

كۆمپانیاكەش دەڵێت، بۆ چوونە ناو قۆناغی سێیەمی ئامادەكردنی ڤاكسینەكەوە دەستیان بە گفتوگۆ كردووە كە ئەو قۆناغەش دوای قۆناغی ئەزموونی دۆزینەوەی ڤاكسینەكەیە.

 

لوە بایشان، توێژەر لە كۆمپانیای سینۆڤاك لەبارەی كاریگەری ڤاكسینەكەوە بە سكای نیوزی وتووە، بەڵێ كاریگەری هەیە و بەرێژەی 99% سەركەوتوو بووە و سەرکەوتنی کۆتایشی مسۆگەرە.

 

مانگی ڕابردوو، كۆمپانیای سینۆڤاك ئەنجامی توێژینەوەیەكی گۆڤاری سایسنی ئەكادیمی بڵاوكردەوە كە ڤاكسینی كۆرۆنافاك مەیمون لە توشبوون بە ڤایرۆسی كۆرۆنا دەپارێزێت.

 

لەسەر وردەكاری زیاتری ئامادەكارییەكان، هیلین یانگ، بەڕێوبەری پەیوەندییەكانی كۆمپانیاكە بە میدیاكەی ڕاگەیاندووە، لەگەڵ چەند وڵاتێكدا گفتوگۆیان كردووە لەناویاندا بەریتانیا، ئێستا قۆناغی ئامادەسازییە.

 

بەگوێرەی میدیاكان، لەئێستادا كۆمپانیاكە سەرقاڵی دروستكردنی كارگەیەكی پیشەسازییە لە پەكین بە مەبەستی ئامادەكردنی ڤاكسینەكە بەبڕی 100 ملیۆن قەترە، ئەوەش بەو واتایەی سەرەتا بەدەستخستنی ڤاكسینەكە سنوردار دەكرێت.

 

یانگ وتوشییەتی، سەرەتا هەمووان دەستیان بە ڤاكسینەكە ناگات، ئامانجیان ئەو گروپانەیە كە زیاتر لە ئەگەری مەترسیدان بۆ نمونە ئەوانەی لە كەرتی تەندروستیدا كار دەكەن یاخود بە تەمەنەكان كە بەرگریان كەمترە و ئەگەری مردنیان زۆرترە بەهۆی پەتاكەوە، بەڵام دەبێت ڤاكسینەكە بەڕێژەیەكی زۆر بەرهەمبهێنرێت.

 

بەوتەی یانگ لە قۆناغی دووەمدان و پێش دەستپێكردنی قۆناغی سێیەم چەند مانگێكی پێویستە، دواتریش ڤاكسینەكە داوای مۆڵەتی لایەنە پەیوەندیدارەكانی بۆ دەكرێت.

 

لەبارەی سەركەوتنی ڤاكسینەوەكە یانگ دەشڵێت، بەپێی بەڵگەكانی بەردەستیان تا ئێستا قۆناغی باشی بڕیوە و سەركەوتووە و كۆمپانیاكەش تەنها بیر لە چین ناكاتەوە بەڵكو بیر لە هەموو جیهان دەكاتەوە.