گه‌ڕان

Shadow Shadow
سیاسه‌تی

پێکدادانێکى چەکداریی لە کەرکوک؛ چەکدارێک کوژرا و یەکێکى دیکەش برینداربوو

2020.05.30 - 10:41
پێکدادانێکى چەکداریی لە کەرکوک؛ چەکدارێک کوژرا و یەکێکى دیکەش برینداربوو

ناس کورد-

 

شانەى میدیاى جەنگى عێراق ڕایگەیاند، لەسنورى کەرکوک هێزە ئەمنییەکان روبەڕووى دوو چەکدار بوونەتەوە و پێکدادان لەنێوانیان ڕوویداوە، بەهۆیەوە چەکدارێک کوژراوە.

 

 

شانەى میدیاى جەنگى ئەمڕۆ شەممە لە بەیاننامەیەکدا ڕایگەیاند، "هێزە ئەمنییەکان توانیویانە چەکدارێکى تیرۆریست بکوژن و یەکێکى دیکەش بریندار بکەن، دواى ئەوەى هەوڵیانداوە بەئاڕاستەى گوندى مقام نزیکبنەوە کە فەوجى دووى لێجێگیرە".

 

ئاماژەى بەوەشکردوەوە، تا ئێستاش هێزە ئەمنییەکان بەدواى ئەو چەکدارەدا دەگەرێن کە لە پێکدادانەکەدا برینداربووە، دەستیشیان بەسەر چەکى چەکدارە کوژراوەکەدا گرتووە کە کڵاشینکۆفێک و ئارپیجییەک بووە.