گه‌ڕان

Shadow Shadow
سیاسه‌تی

عێراق تاوتوێی دەستپێکردنەوەى گەشتە ئاسمانییەکان دەکات

2020.05.29 - 19:02
عێراق تاوتوێی دەستپێکردنەوەى گەشتە ئاسمانییەکان دەکات

ناس کورد-

 

دەسەڵاتى فڕۆکەوانى مەدەنى عێراق ئامادەیی خۆى نیشاندا بۆ ئەنجامدانى کۆبوونەوەیەک بەمەبەستى دیاریکردنى وادەى دەستپێکردنەوەى گەشتە ئاسمانییەکان یان درێژکردنەوەى قەدەغەکردنى گەشتەکان.

 

 

جیهاد کازم بەڕێوەبەرى ڕاگەیاندنى دەسەڵاتى فڕۆکەوانى مەدەنى عێراق بە میدیاى فەرمى عێراقى ڕاگەیاندووە، لیژنەیەک لە ئەمیندارێتى گشتى ئەنجومەنى وەزیران پێکهێنراوە کە بڕیار لەسەر درێژکردنەوەى قەدەغەى گەشت یان هەڵگرتنى قەدەغە دەدات.

 

وتیشى "لیژنەکە ئەمڕۆ یان رۆژانى داهاتوو کۆدەبێتەوە بۆ وەرگرتنى بڕیارێک لەو بارەیەوە".

 

جیهاد کازم باسى لەوەکرد، دەستپێکردنەوەى گەشتە ئاسمانییەکان پێویستى بەچەندین رێوشوێنى تایبەت بە سەلامەتى گەشتیارانە، بەتایبەت دابینکردنى شوێنى کەرەنیتنەکردنى گەشتیاران، ئەجامدانى پشکنین.

 

ئەوەشى خستووتەڕوو، لەئەگەرى رەزامەندیدان لەسەر دەستپێکردنەوەى گەشتەکان پلانیان دەبێت لەناو فڕۆکەخانەکان بۆ گرەنتى مەرجەکانى سەلامەتى و تەندروستى و دروستنەبوونى قەرەباڵغى و پابەنبدبوون بە رێوشوێنەکانى خۆپاراستن.

 

ئەوە لەکاتێکدایە، ئەمرۆ هەینى هیڵى فڕۆکەوانى ئیمارات دەستپێکردنەوەى گەشتەکانى بۆ عێراق ڕاگەیاند، دواى راگرتنیان بەهۆى بڵاوبوونەوەى کۆرۆناوە.