گه‌ڕان

Shadow Shadow
سیاسه‌تی

یەرەکە ناسنامەى دوو لەو کەسانەى ئاشکرا کرد کە لە بۆردومانەکەى تورکیا لە ماوەت گیانیان لەدەستدا

2020.05.29 - 15:34
یەرەکە ناسنامەى دوو لەو کەسانەى ئاشکرا کرد کە لە بۆردومانەکەى تورکیا لە ماوەت گیانیان لەدەستدا

ناس کورد-

فەرمانداریی یەکینەکانی ڕۆژهەڵاتی کوردستان (یەرەکە) وردەکاری گیانلەدەستدانی پێنج ئەندامی خۆی لە گوندی سەفرەی لە قەزای ماوەت بڵاوکردەوە و دەڵێت، فڕۆکەکانی تورکیا لە ناو ئۆتۆمبێلێکی مەدەنیدا لێی داون.

 

ئەمڕۆ هەینی، 29ی ئایاری 2020، فەرمانداریی یەکینەکانی ڕۆژهەڵاتی کوردستان لە ڕاگەیەنراوێکدا دەڵێت، شەوی  26ی ئایاری کاتژمێر 11:45، لە کاتێکدا "دوو هەڤاڵمان لە گەڵ سێ وڵاتپارێز کە بۆ میوانی سەردانی هەڤاڵانی ئێمەیان کردبوو، لە نێو ماشینێکی مەدەنی دا، لە هەرێمی ئاسۆس لە نێو گوندی سەفرە، بە کوردینەی فڕۆکەی سیخۆڕی دەکەونە بەر هێرشی فڕۆکە جەنگیەکانی ئەرتەشی داگیرکەری تورک و هەر پێنج شەهید دەبن."

 

زیاتر بخوێنەوە: وردەکاریی بۆردومانەکەى تورکیا بۆ سەر گوندێکى قەزاى ماوەت.. دیسان فڕۆکەى بێفڕۆکەوان

 

دەشڵێت، "ئەو رووداوە جارێکی تر سەلماندی کە بە بێ هەبوونی دەستی خیانەت، دوژمن ناتوانێت بگاتە ئامانجەکانی و کارەساتی لەو چەشنە رووبدات."

 

ئاماژەى بەوەشکردووە، "لەو هێرشەدا دوو ڕێ هەڤاڵمان بە ناوەکانی رێباز سنە و زنار بروسک شەهید دەکەون هەر وەها ناسنامەی ئەو سێ وڵاتپارێزە لە داهاتوودا بۆ رای گشتی رادەگەینین."

 

ڕاشیگەیاند، "مەخابن ئەو داگیرکاریانە بە یارمەتی و لە رێگەی کوردی خائنەوە پێک دێنیت."