گه‌ڕان

Shadow Shadow
سیاسه‌تی

کەشوهەوای عێراق دوو هەفتە لەنێوان ’’سارد و گەرمدا’’ یاری دەکات

2020.05.29 - 10:03
کەشوهەوای عێراق دوو هەفتە لەنێوان ’’سارد و گەرمدا’’ یاری دەکات

ناس کورد-

شارەزایەکی کەشناسی عێراقی پێشبینی دەکات لە ماوەى دوو هەفتەى داهاتوودا پلەکانی گەرما لە نێوان بەرزبوونەوە و نزمبوونەوە يارى بکات.

 

عەلى موسەوى، شارەزای دیاری عێراق لە بواری کەشناسیدا كۆتا پێشبينى بۆ نەخشەى كەشوهەوا بڵاوکردەوە و دەڵێـ، لە هەفتەى يەكەم و دووەمی مانگی داهاتوو پلەكانى گەرما چەند پلەيەك لە ڕێژەى ياسايى ساڵانە كەمتر دەبن و هەندێك حاڵەتى بارانبارین ڕوودەدات بەتايبەتى لە ناوچەكانى باكور و خۆرئاواى وڵات.

 

ڕونيشيكردوەتەوە، بەڵام لە ناوچەكانى ناوەڕاست و باشورى وڵات چانسی بارانبارين بە تەواوەتى كۆتايى دێت، هەروەها لە نيوەى دوەمى مانگى حوزەيران چانسەکە لە سەرجەم ناوچەكانى وڵات كۆتايى دێت و پلەكانى گەرما ڕێژەى ئاسايى ساڵانە و كەمێك زياتر دەبێت.

 

عەلى موسەوى ڕونيشيكردوەتەوە، لە ئەمڕۆ هەينيەوە تا ڕۆژى يەكشەممەى داهاتوو بەرزە پەستانێكى ڕوكەش لە دەرياى ناوەڕاستەوە ڕوو لە عێراق دەكات، هەروەها لە ڕۆژى دووشەممەوە چالاكى نزمى گەرمى ڕوكەشى وشك لە دورگەى عەرەبيەوە دەگەڕێتەوە و چوار ڕۆژى داهاتوو ئاسمان ساماڵ و خۆرەتا و جێگير دەبێت لە سەرجەم ناوچەكان و ناوبەناو پەڵە هەورى بەرز لە ناوچەكانى ڕۆژهەڵات دەردەكەون بەڵام بارانى پێوە نييە.

 

پێشبينى ئەوەشى كردووە، لە ڕۆژى هەينيەوە تا يەكشەممە لە ناوچەكانى ناوەڕاست و خۆرئاوا و باكورى وڵات پلەكانى گەرما نزم دەبنەوە ئەوەش بەهۆى كاريگەرى كوتلەيەك هەوايى كە لە ڕۆژهەڵاتى ئەوروپاوە دێت، بەڵام كاريگەريەكى كەم دەكات سەر پلەكانى گەرما لە باشورى وڵات ئەوەش بەهۆى قەتيسبونى كوتلەيەكى هەوايى گەرمى و چینێکی بەرزى فێنك و نزم لە باشور و ناوچەكانى باكورى ڕۆژهەڵاتى دورگەى عەرەبى.