گه‌ڕان

Shadow Shadow
سیاسه‌تی

وەزیری تەندروستیی هەرێم هۆشداری بە هاووڵاتیان دەدات.. مەترسییەکان زیاتر بوون

2020.05.28 - 20:26
وەزیری تەندروستیی هەرێم هۆشداری بە هاووڵاتیان دەدات.. مەترسییەکان زیاتر بوون

ناس کورد-

وه‌زیری ته‌ندروستیی حكومه‌تی هه‌رێمی كوردستان، هۆشداری دەدات لەوەی، ڕەچاونەکردنی ڕێنماییەکانی تەندروستیی لەلایەن هاووڵاتیانەوە مەترسییەکانی کۆرۆنا زیاتر دەکات و دەشڵێت، بەشێک لە هاووڵاتیان پابەندی ڕێنماییەکان نابن.

 

ئەمڕۆ پێنجشەممە، 28ی ئایاری 2020، سامان بەرزنجی، وەزیری تەندروستیی هەرێم  پێشوازیكرد له‌ شاندێكی ئیمارات کە بڕی حەوت تۆن پێداویستی پزیشكی و هاوكای ته‌ندروستی حكومه‌تی ئیماراتیان وەک هاوکاری گەیاندە حکومەتی وەزارەتی تەندروستیی.

 

لە میانی کۆنگرەیەکی ڕۆژنامەنوسیشدا، وەزیری تەندروستی هەرێم، ڕایگەیاند، به‌هۆی ئه‌وه‌ی ژیان ئاسایی بووه‌ته‌وه‌ و به‌شێك له‌ هاووڵاتیان ره‌چاوی رێنماییه‌كانی خۆپارێزی ناكه‌ن، مه‌ترسی بڵاوبوونه‌وه‌ی كۆرۆنا زیاتر بووه‌.

 

وتیشی، به‌راورد به‌ مانگی ئازار و نیسانی رابردوو، بڵاوبوونه‌وه‌ و ته‌شه‌نه‌سەندنی ڤایرۆسی كۆرۆنا زیاتر بووه‌ و مەترسییەکان زیاتربوون.

 

ئەمە لەکاتێکدایە، بەگوێرەی ئامارەکانی وەزارەتی تەندروستیی هەرێم، توشبووانی کۆرۆنا لە هەرێم بەشێوەیەکی بەرچاو بەرزبووەتەوە و لەماوەیەکی کەمدا زیاتر لە 80 حاڵەتی ڤایرۆسەکە تۆمارکراوە.