گه‌ڕان

Shadow Shadow
سیاسه‌تی

يەكێك لەو کەسانەی گەنم و جۆی جوتیارانی كەركوكى دەسوتاند دەستگير كرا

2020.05.28 - 19:28
يەكێك لەو کەسانەی گەنم و جۆی جوتیارانی كەركوكى دەسوتاند دەستگير كرا

ناس کورد-

وەزارەتى بەرگریى عێراق بڵاويكردەوە، مەفرەزە هەواڵگريەكان يەكێك لەو تيرۆرستانەيان دەستگيركردوە كە هەڵدەستان بە سوتاندنى كێڵگە كشتوكاڵيەكان لە پارێزگاى كەركوك.

 

وەزارەتى بەرگریى عێراق لە ڕاگەیەندراوێکدا بڵاويكردوەتەوە، هێزێكى سەربە هەواڵگریى سەربازى لەسەر زانيارى وردى هەواڵگرى توانيويانە كەسێكى تيرۆرست دەستگير بكەن.

 

رونيشكراوەتەوە، ئەو كەسە هەستاوە بە سوتاندنى كێڵگە كشتوكاڵيەكانى زێى "زراريە"ى سەربە ناحيەى "زاب"ى سەربە پارێزگاى كەركوك، لە پرۆسەيەكى ڕاوەدونانى سەركەوتودا توانراوە دەستگير بكرێت و ڕادەستى لايەنى تايبەتمەند بكرێت.

 

لە ڕاگەیەندراوەکەدا باس لەوەشكراوە، هەروەها لە پرۆسەيەكى تردا لە ناوچەى "ناتڵ" سەربە ناحيەى "حسێنيە"ى سەربە قەزاى "هيت"ى پارێزگاى ئەنبار، دەست بەسەر تۆپهاوێژێكى چەكدارانى داعشدا گيراوە كە بۆمبڕێژكرابوو، تۆپهاوێژەكە لەژێر كۆنترۆڵدا تەقێنراوەتەوە.

 

ماوەيەكە چالاكيەكانى چەكدارانى داعش لە پارێزگاى كەركوك و چەند پارێزگايەكى ترى عێراق ڕوى لە زيادبون كردوە و ئەو چەكدارانە هێرش دەكەنە سەر هێزە ئەمنيەكان و کێڵگە كشتوكاڵيەكان دەستوتێنن و جوتياران دەڕفێنن و دەيانكوژن.