گه‌ڕان

Shadow Shadow
سیاسه‌تی

86 ملیۆن منداڵ بوونەتە قوربانى کۆرۆنا ..پەتاکەشیان نەگرتووە 

2020.05.28 - 10:04
86 ملیۆن منداڵ بوونەتە قوربانى کۆرۆنا ..پەتاکەشیان نەگرتووە 

ناس كورد- 

دوو ڕێكخراوی نێودەوڵەتی تایبەتمەندی بوارەكە لەئاكامی توێژینەوەیەكیاندا لەسەر كاریگەرییەكانی پەتای كۆرۆنا لەسەر منداڵان هۆشداری ئەوە دەدەن، تا كۆتایی ئەمساڵ شوێنكەوتە ئابورییەكانی قەیرانەكە 86 ملیۆن منداڵ دەخاتە سەر ژمارەی منداڵانی هەژاری دونیا.

 

لەڕاگەیەنراوێكی هاوبەشیاندا ڕێكخراوی یۆنسێف-ی سەر بەنەتەوە یەكگرتووەكان و ڕێكخراوی منداڵپارێز ڕایانگەیاند، توێژینەوەكەیان  ئەوەی دەرخستووە، كۆی ژمارەی منداڵان كە تووشی هەژاری دەبن تا كۆتایی ئەمساڵ دەگاتە 672 ملیۆن منداڵ، ئەوەش زیادبوونی ڕێژەكەیەتی بە 15% بەراورد بە ساڵی ڕابردوو.

 

ئاژانسی فرانس پڕێسیش بڵاوی كردووەتەوە، سێیەكی ئەو منداڵانە دەكەنەونە وڵاتانی ئەفریقیا و باشووری ئاسیاوە.

 

بەپێی توێژینەوەیەك كە پشتی بە هەڵسەنگاندنەكانی بانكی نێودەوڵەتی و سندوقی دراوی نێودەوڵەتی بەستووە لەسەر نزیكەی 100 وڵات، ژمارەی زۆری ئەو منداڵانەی كە تووشی هەژاری دەبن بەهۆی بڵاوبونەوەی پەتاكەوە دەكەنەوە ئەوروپا و ئاسیای ناوەڕاستەوە.

 

لەڕاگەیەنراوێكدا هەنرییتا فۆر بەڕێوەبەری جێبەجێكاری ڕێكخراوی پۆنسێف ڕایگەیاندووە، قەبارەی ئاستەنگە داراییەكان كە ڕوبەڕووی خێزان بووەتەوە گرفتی بۆ ئەو دەستكەوتانە دروستكردووە كە لەچەند ساڵى ڕابردوودا بۆ سنوردانانی هەژاری منداڵ و بێ بەشبوونیان لەخزمەتگوزارییە سەرەكییەكان گیراونەتە بەر.

 

لای خۆشیەوە، ئانگ ئاشێنگ سەرۆكی ڕێكخراوی منداڵپارێز  ڕایگەیاندووە، لەگەڕان و پشكنینەكانیاندا توانیویانە ئەو مەترسیانە بدۆزنەوە كە پەتاكە بۆ وڵاتانی زۆر هەژار دروستی كردووە بەتایبەتی كە كاریگەری خراپتری هەیە بۆ زیاتر لاوازكردنی منداڵانی هەژار.

 

بەرپرسی ئەو ڕێكخراوە هۆشداری ئەوەشیداوە، منداڵە لاوازەكان لەڕوبەڕوبونەوەی برسێتیدا گەرچی شوێنەواری پەتاكە بۆ ماوەیەكی كورتیش بێت لەدژیان، ئەوا بۆ ماوەیەكی دوور و درێژ لەژیانیاندا كاریگەری دەبێت لەسەریان.

 

داواش لە وڵاتان دەكات سیستمی كۆمەڵایەتی و خۆراك و پەروەردەیان پتەوبكەن بۆ دانانی سنورێك لەپێناو كەمكردنەوەی كاریگەرییەكانی پەتاكە بۆ سەر منداڵان.