ناس کورد-
وەزارەتى تەندروستى حکومەتى هەرێمى کوردستان راگەیەندراوێکى لەبارەى تۆمارکردنى توشبوویەکى نوێى کۆرۆنا لەشارى سلێمانى، بڵاوکردەوە.
لە راگەیەندراوەکەى وەزارەتى تەندروستى ئاماژە بەوە کراوە "لە بەردەوامی پشکنینەکان و گەڕان بەدوای گومانلێکراوان، تووشبووێکی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکرا".
راگەیەندراوەکەى وەزارەتى تەندروستى لەبارەى ناسنامەى توشبووە نوێکە رونکردنەوە دەدات "پیاوێکی تەمەن 34 ساڵە، دانیشتووی قەزای پێنجوینە و نیشانەی نەخۆشی ھەبووە پشکنینی تاقیگەی بۆ کراوە و پۆزەتیڤ دەرچووە".
