گه‌ڕان

Shadow Shadow
سیاسه‌تی

تەرمی ڕاڤیار ئەو  گەنجە کوردەى لە یۆنان خنکا گەڕێنرایەوە هەرێمی کوردستان

2020.05.26 - 18:06
تەرمی ڕاڤیار ئەو  گەنجە کوردەى لە یۆنان خنکا گەڕێنرایەوە هەرێمی کوردستان

ناس کورد-

سەرۆکى ڕێکخراوى لوتکە رایگەیاند "تەرمی ئەو په‌نابه‌رە كوردەی کە لە دورگه‌ی خیۆسی یۆنان خنکا، گەڕێنرایەوە هەرێمی کوردستان ".

 

ئارى جەلال، سەرۆکى ڕیکخراوى لوتکە لە میانەى بڵاوکردنەوەى راگەیەندراوێکدا ئاماژەى بەوە کرد "ڕاڤیاری تەمەن20 ساڵان کە لە ڕۆژی (10مارسی 2020)لە دورگەی خیوسی یۆنان لەکاتی مەلەکردندا خنکا ، بە هاوکاری دەزگای لوتکە پاش 15 ڕۆژ لە دوای ڕوداوەکە توانرا تەرمەکەی بگەڕێنریتەوە هەرێمی کوردستان ".

 

ئارى جەلال رونیکردەوە "لە دوای بڵاوبوونەوەی ڕووداوەکە، کەسوکاری ڕاڤیار پەیوەندیان بە دەزگای لوتکە کرد. سەبارەت بەلێکۆڵینەوە لە چۆنییەتی ڕوواوەکە و گەڕانەوەی تەرمی ڕۆڵەکەیان بۆ پارێزگای سلێمانی" .

 

جەختیشدەکاتەوە، لەسەر داوای کەسوکاری ڕاڤیار (دەزگای لوتکە لە یۆنان )حیجزی خستتەر تەرمی ئەو پەنابەرە و ڕێگەی نەدا تەرمەکە لەو وڵاتە بەخاک بسپێردرێت، بە هۆی دۆخی ڤایرۆسی کۆرۆناو کەرەنتینەکردن لەو وڵاتە و وەستانی گەشتە ئاسمانیەکان، تەرمی ناوبراو نەتوانرا لەکاتی ئاسایدا بگەڕێتەوە هەرێمی کوردستان.

 

ئاماژە بەوەش دەکات، بەهاوکارى نوێنەری دەزگای لوتکە لە گەشتێکی تایبەتدا ، تەرمی ئەو پەنابەرە لەڕێگەی فرۆکەخانەی هەولێرەوە گەیەنرایەوە هەرێمی کوردستان و لە شاری سلێمانی و لە گۆڕستانی سەیوان بە ئامادەبونی کەسوکاری تەرمەکەی بەخاکسپێردرا .

 

ڕاڤیار عوسمان، تەمەنی 20ساڵ بو و خەڵکی شارۆچکەی چەمچەماڵ بوو ، وەک پەنابەریک لە دورگەی خیسۆسی یۆنان ژیاوە و لە ڕۆژی 10 ی مارس، بەمەبەستی گەشتکردن ڕوو لە دەرەوەی کەمپەکە دەکات و لەکاتی مەلەکردندا و بە وتەی پزیشکی دادی دەماری قاچی وەستاوە و بەو هۆیشەوە خنکاوە .