گه‌ڕان

Shadow Shadow
سیاسه‌تی

لە یەک ڕۆژدا 110 هەزار حاڵەتی کۆرۆنا لە جیهاندا تۆمار کرا

2020.05.25 - 10:43
لە یەک ڕۆژدا 110 هەزار حاڵەتی کۆرۆنا لە جیهاندا تۆمار کرا

ناس کورد-

ڕێكخراوی تەندروستی جیهانی دەڵێت، دوێنێ یەکشەممە نزیكەی 110 هەزار حاڵەتی توشبوون بە ڤایرۆسی كۆرۆنا لە جیهاندا تۆمار كراوە.

 

بەپێی ئەو ئامارانەى کە ڕێکخراوەکە لە ماڵپەڕی خۆی دایناوە، یەکشەممە 109 هەزار و 885 حاڵەتی نوێی توشبوو تۆمار كراوە، بەوەش ژمارەی سەرجەم توشبووان گەیشتووەتە پێنج ملیۆن و 503 هەزار حاڵەت لە سەرانسەری جیهاندا.

 

لەبارەى حاڵەتەکانی مردنیش بەهۆی ڤایرۆسەکەوە، پێنج هەزار و 625 حاڵەتی نوێ تۆمار کراوە و لە ئێستادا ئاماری گشتی گەیشتووەتە 346 هەزار و 774 حاڵەت.

 

لەئێستا بەرازیل بووەتە ناوەندێکی تری بڵاوبوونەوەى نەخۆشییەکە و بووەتە دووەم زیانمەندترین وڵات لەدوای ئەمریکا، واتە ڕوسیاشی تێپەڕاند و گەیشتە 365 هەزار توشبوو، هەروەها مردنیش گەیشتووەتە 22 هەزار و 746 کەس.

 

ئەمریکاش لە پلەى یەکەمی ڕیزبەندییەکە بەردەوامە بە تۆمارکردنی یەک ملیۆن و 686 هەزار حاڵەت، ئەمریکا لە مردنیشدا یەکەمە بۆ تۆمارکردنی 99 هەزار و 333 کەس.

 

لە مانگی كانوونی دووەمی ساڵی 2020 ەوە پەتاكە بەهۆی ڤایرۆسی كۆرۆناوە لەجیهاندا تەشەنەی كردووە و بووەتە كەرتی ئابوری بەتایبەت گواستنەوە و گەشتو گوزار و هاڕە كردنی بۆرسە و دابەزینی نرخەكانی وزە و سەرچاوە سروشتیەكان لەبازاڕەكانی جیهاندا.