گه‌ڕان

Shadow Shadow
سیاسه‌تی

ترەمپ: پۆتن باش لەوە تێدەگات کە زۆر خراپم بەسەر ڕوسیادا هێناوە

2020.05.24 - 20:41
ترەمپ: پۆتن باش لەوە تێدەگات کە زۆر خراپم بەسەر ڕوسیادا هێناوە

ناس کورد-

دۆناڵد ترەمپ، سه‌رۆكی ئه‌مه‌ریكا رایگه‌یاند، زۆر خراپی بەسەر ڕووسیادا هێناوە و ڤلادیمێر پۆتنی سه‌رۆكی وڵاتەکە لەوە تێدەگات، دەشڵێت، هەر لەبەر ئەوەیە پۆتن  نایه‌وێت جارێکیتر له‌ هه‌ڵبژاردنی سه‌رۆكایه‌تی ئه‌مه‌ریكا سەرکەوتووبێت.

 

ترەمپ ئەمڕۆ یەکشەممە 24ی ئایاری 2020،  له‌ چاوپێکەوتنێکی له‌گه‌ڵ پرۆگرامی   "Full Measure"ڕایگەیاند:"هەرچەندە پەیوەندی باشم لەگەڵ پۆتن هەیە، بەڵام زۆر خراپم به‌سه‌ر رووسیادا هێناوه‌،  پوتن باش له‌و بابەتە تێده‌گات".

 

وتیشی: "هەر لەبەر ئەوەیە پێدەچێت پۆتن نه‌یه‌وێت من لە هەڵبژاردنی ئەمجارەی سەرۆکایەتی ئەمریکا سه‌ركه‌وتووبم".

 

هاوکات، ترەمپ دیموکراتەکانی ئەمریکای بە حزبێکی بەهێزی گەندەڵ وەسفکرد و ڕەخنەی توندی لێگرتن.

 

وتەکانی دۆناڵد ترەمپ لەکاتێکدایە، لە هەڵبژاردنی پێشووی سه‌رۆكایه‌تی ئه‌مه‌ریكادا لەساڵی 2016، هەندێک لایەنی ئەمریکی ووسیایان به‌ ده‌ستتێوه‌ردان له‌ پرۆسه‌ی هه‌ڵبژاردنەکانی ئەو وڵاتە تۆمه‌تبار كرد.