گه‌ڕان

Shadow Shadow
سیاسه‌تی

ڕونکردنەوەیەک لە تەندروستیی ڕاپەڕینەوە لەبارەی توشبوویەکی کۆرۆنا

2020.05.24 - 10:49
ڕونکردنەوەیەک لە تەندروستیی ڕاپەڕینەوە لەبارەی توشبوویەکی کۆرۆنا

ناس کورد-

 

بەڕێوەبەرایەتی گشتیی تەندروستیی ڕاپەڕین ڕونکردنەوەیەکی لەبارەی توشبوویەکی کۆرۆناوە لە سنورەکە بڵاوکردەوە و ڕایگەیاند، ئەو هاووڵاتییە لە ئێرانەوە گەڕاوەتەوە و ڕاستەوخۆ کەرەنتینە کراوە و تێکەڵی هاووڵاتیانی سنورەکە نەبووە.

 

بەڕێوەبەرایەتی گشتیی تەندروستیی ڕاپەڕین لە ڕاگەیەندراوێکدا ڕایگەیاند: "ئاگاداری هەموو لایەک دەکەینەوە ئەو هاوڵاتیەی کەهەڵگری ڤایرۆسی کۆرۆنایە و لەلایەن وەزارەتی تەندروستییەوە ڕاگەیاندرا، ئەو هاوڵاتیە دوای ئەوەی لەوڵاتی ئێران لەڕێگەی مەرزی نێودەوڵەتی باشماخەوە گەراوەتەوە هەرێمی کوردستان لەشار ی سلێمانی کەرەنتینکراوەو دوای ئەنجامدانی پشکنین دەرکەوتووە هەڵگری ڤایرۆسی کۆرۆنایە".

 

ئاماژەی بەوەشکردووە: "ئەو هاوڵاتیە بەهیچ شێوەیەک نەگەڕاوەتەوە سنوری ڕاپەڕین و تێکەڵی هاوڵاتیانی سنورەکە نەبووە".

 

بەگوێرەی دوایین ئامارەکان، لە هەرێمی کوردستان 475 کەس توشی ڤایرۆسی کۆرۆنا بوون و لەو ژمارەیەش 403 کەسیان چاکبوونەتەوە و 54 نەخۆشیش لە نەخۆشخانە ماون.