گه‌ڕان

Shadow Shadow
سیاسه‌تی

ليژنەى شارەزايان و ڕاوێژكاران: زۆرينەى توشبوەكانى عێڕاق هيچ نيشانەيەكيان نييە

2020.05.23 - 23:37
ليژنەى شارەزايان و ڕاوێژكاران: زۆرينەى توشبوەكانى عێڕاق هيچ نيشانەيەكيان نييە

ناس کورد-

 

ليژنەى شارەزايان و ڕاوێژكارانى وەزارەتى تەندروستیى عێراق رايدەگەيەنن، كە زۆربەى توشبوانى ڤايرۆسى كۆرۆنا لە عێڕاق بەركەوتون لەگەڵ توشبوانى تر و هيچ نيشانەيەكى نەخۆشيشيان تێدا نييە.

 

ليژنەى شارەزايان و ڕاوێژكاران لە ڕاگەیەندراوێکدا بڵاويانكردوەتەوە، زۆربونى ژمارەى پشكنينە مەيدانيەكان هۆكارى بەرزبونەوەى ژمارەى توشبوانى ڤايرۆسى كۆرۆنايە لە عێڕاق.

 

ڕونيشكراوەتەوە، زۆرينەى توشبوەكان بەهۆى بەركەوتنەوە بوە لەگەڵ توشبوانى پێشودا، هەروەها هيچ نيشانەكانى نەخۆشيان تێدا دەرنەكەوتوەو بارودۆخيان زۆر باشە و لەژێر چاودێرى تەندروستى تايبەتيشدان.

 

ئەوەش هاتوە: " گەورەترين كێشەمان بريتيە لە كەمى تێگەيشتن و گوێنەدانى زۆرينەى هاوڵاتيان بە مەترسییەكانى پەتاكە". 

 

ئەمڕۆ وەزارەتى تەندروستى عێراق 308 توشبوى ترى ڤايرۆسى كۆرۆناى ڕاگەياند و 53 توشبوى تريش چاكبونەتەوە، بەوەش كۆى گشتى توشبوان گەيشتوەتە 4272 توشبوو و 152 يان گيانيان لەدەستداوە و 2585 يان چاكبونەتەوە و 1535 يشيان لە نەخۆشخانەكان ماونەتەوە