گه‌ڕان

Shadow Shadow
سیاسه‌تی

وەزارەتی تەندروستی ژمارەیەک حاڵەتی نوێی توشبوون بە کۆرۆنای لە سلێمانی ڕاگەیاند

2020.05.23 - 20:32
وەزارەتی تەندروستی ژمارەیەک حاڵەتی نوێی توشبوون بە کۆرۆنای لە سلێمانی ڕاگەیاند

ناس کورد-

 

وەزارەتی تەندروستیی هەرێم تۆمارکردنی هەشت حاڵەتی دیکەی توشبوون بە کۆرۆنای لە سلێمانی ڕاگەیاند کە شەش کەسیان سەرچاوەی توشبوونیان نادیارە.

 

لە ڕاگەیەندراوێکدا وەزارەتی تەندروستیی هەرێم ڕایگەیاند: "لە بەردەوامی پشکنینەکان و گەڕان بەدوای گومانلێکراوان، هەشت تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران".

 

ئاماژە بەوەشکراوە، توشبووەکان پێکهاتوون لە پێنج ئافرەتی تەمەن ٦٧ و ٤٧ و ٤٧ و ٣٨ و ٣٧ ساڵ و سێ پیاو تەمەن ٥٧ و ٣٧ و ٢٦ ساڵ، تەنها یەکێکیان بەرکەوتەی تووشبووی پێشووە دانیشتووی شاری سلێمانیە و یەکێکی تر گەشتی دەرەوەی وڵاتی کردووە دانیشتووی قەزای ڕانیەیە.

 

ڕونیشکراوەتەوە،  شەش تووشبووەکەی تر بەهۆی بوونی نیشانەکانی نەخۆشی پشکنینی تاقیگەیان بۆ کراوە و پۆزەتیڤ دەرچوون و دانیشتووی شاری سلێمانین.