گه‌ڕان

Shadow Shadow
سیاسه‌تی

وەزیری ناوخۆ: قەدەغەی تەواوەتی هاتوچۆ لە سەرانسەری هەرێم جێبەجێ دەکرێت

2020.05.23 - 15:50
وەزیری ناوخۆ: قەدەغەی تەواوەتی هاتوچۆ لە سەرانسەری هەرێم جێبەجێ دەکرێت

ناس کورد-

ڕێبەر ئەحمەد، وەزیری ناوخۆی هەرێم ڕایگەیاند، قەدەغەی هاتوچۆی تەواوەتی لە ڕۆژانی جەژندا لە سەرانسەری هەرێم جێبەجێ دەکرێت و داوا لە هاوڵاتیان دەکات وەک جاران پابەندی بن. 

 

ئەمڕۆ شەممە، 23ی ئایاری 2020، ڕێبەر ئەحمەد لە کۆنفرانسێکی ڕۆژنامەنوسیدا ڕایگەیاند، لەدوای جەژن سەرجەم ڕێکار و هاتوچۆ لە هەرێمی کوردستان ئاسایی دەبێتەوە و هیچ بڕیارێک نییە بۆ درێژکردنەوەى. 

 

ئاماژەى بەوەشکرد، نوێژی جەژن سونەتە، لە هیچ ناوچە و ئیدارە و پارێزگایەک ڕێگەپێدراو نییە و هەر کەسێک سەرپێچی بکات سزا دەدرێت.

 

وەزیری ناوخۆی هەرێم وتیشی، مەترسییەکانی کۆرۆنا ئێستا لە جاران بەهێزترە چونکە سەرچاوەکەى نادیارە و "پێشبینی دەکەین ژمارەیەکی زۆرتری توشبوو لە هەرێم تۆمار بکرێت."

 

ڕاشیگەیاند، "با خۆمان هەڵنەخەڵەتێنین کە ڤایرۆسەکەى ئێرە جیاوازە و بەرگرى جەستەى خەڵکک لێرە بەهێزترە، هەموو ئەوانە دەنگۆن و نابێت کەس بڕوایان پێ بکات"

 

وتیشی، "ژمارەیەکى زۆرى کورد لە دەرەوە و لە ڕۆژهەڵاتیش گیانیان لەدەستداوە، ئەو پڕوپاگەندانە موزایەدەیەکى سیاسیشی لەپشتەوەیە."