گه‌ڕان

Shadow Shadow
سیاسه‌تی

بۆیەکەمجار هیچ توشبوویەکى کۆرۆنا لەچین تۆمارنەکرا

2020.05.23 - 08:41
بۆیەکەمجار هیچ توشبوویەکى کۆرۆنا لەچین تۆمارنەکرا

ناس کورد-

بۆ یەکەمجار لەدواى سەرهەڵدانى ڤایرۆسى کۆرۆناوە لە شارى وهانى چین لەکۆتایی ساڵى ڕابردوودا، هیچ توشبوویەکى نوێى کۆرۆنا لە چین تۆمارنەکرا.

 

لیژنەى تەندروستى نیشتیمانى چین ئەمڕۆ (شەممە) لە بەیاننامەیەکدا ڕایگەیاند، رۆژى هەینى هیچ حاڵەتێکى نوێی توشبوون بە کۆرۆنا تۆمارنەکراوە، لەکاتێکدا ڕۆژى پێنج شەممە چوار توشبوو تۆمارکرابوو.

 

باسی لەوەشکردووە، ژمارەی ئەو توشبووە نوێیانەى نیشانەکانی نەخۆشییەکەیان لەسەر دەرنەکەوتووە لە 35 حاڵەتەوە بۆ 28 حاڵەت کەمبووەتەوە.
 

 

چین پاشەکشەیەکى گەورەى بەخۆوە بینیوە لەژمارەى توشبووانى ناوخۆیی لە مانگى ئازارەوە تا ئێستا، دواى ئەوەى رێوشوێنى توندى گرتەبەر بۆ کۆنتڕۆڵکردنى ڤایرۆسەکە.