گه‌ڕان

Shadow Shadow
سیاسه‌تی

ژوری بازرگانی سلێمانی: پێویستە لە جەژندا دوکان و مارکێتەکان کراوەبن

2020.05.22 - 13:47
ژوری بازرگانی سلێمانی: پێویستە لە جەژندا دوکان و مارکێتەکان کراوەبن

ناس کورد-

 

بۆ بەردەوامی کارکردن و رانەوەستانی بازاڕ ژوری بازرگانی و پیشەسازی سلێمانی داوا دەکات لەڕۆژانی جەژندا مارکێت و دوکانەکان بەکراوەی بمێننەوە و هاوڵاتیان گرفتیان بۆدروست نەبێت، ئاماژەبەوەشدەکات، بڕیاری قەدەغەی هاتوچۆ بووەتەهۆی دڵەڕاوکێ بۆ هاووڵاتیان.

 

لە ڕاگەیەندراوێکدا کە وێنەیەکی بۆ ناس کورد نێردراوە، سیروان محەمەد، سەرۆکی ژووری بازرگانی و پیشەسازی سلێمانی  ڕایگەیاند: " پێمان باشە مارکێتەکان و دوکانەکانی ناو گەرەکەکان لە ڕۆژانی جەژندا بەکراوەی بمێننەوە تەنها لە یەکەم ڕۆژی جەژندا دابخرێن و لەدووەم ڕۆژەوە بکرێنەوە و هاووڵاتیان سودیان لێ وەربگرن".

 

ئاماژەی بەوەشکردووە: "بڕیاری ٧٢ کاتژمێر ڕاگرتنی هاتوچۆ و داخستنی بازاڕو مارکێتەکان بۆتەهۆی دڵەڕاوکێ لەناو هاووڵاتیان، لەناو بازاڕو مارکێتەکاندا خۆراک و پێداویستی زۆر دەکڕن و لەماڵەکانیاندا هەڵی دەگرن ئەمەش مەترسی خراپبون و بەسەرچونی لەسەرە هاووڵاتیان توشی زیانی زۆردەبن، وەدەبێتە هۆی وەستانی بازاڕو لەناو هەرێمی کوردستان".

 

سەرۆکی ژوری بازرگانی و پیشەسازی سلێمانی جەخت دەکاتەوە، دەروازە سنوریە نێودەوڵەتیەکان بەردەوام کاری بازرگانی تیادا دەکرێت و هاوردەکردنی خۆراک و کاڵا پێویستەکان بۆ ناو هەرێمی کوردستان بەردەوامی هەیەو هیچ گرفتێکمان لە خاڵە سنوریەکان نییە.

 

سیروان محەمەد، داوادەکات لایەنە پەیوەندیدارەکان بەپێی ڕێنماییە تەندروستیەکان مارکێت و دوکانەکانه ناو گەرەکەکان پابەندبکەن بە ڕێنماییەکان و خۆپارێزی تەواو  لە دووەم ڕۆژی جەژنەوە بکرێنەوە تا هاووڵاتیان ئەوەندە خۆراک و پێداویستی نەکرن و زیانی زۆریان بەرکەوێت تەنها ڕۆژانە پێداویستیەکانیان بکڕن.