گه‌ڕان

Shadow Shadow
سیاسه‌تی

بەدوای سلێمانیدا پێنج حاڵەتی توشبوون بە کۆرۆنا لە هەولێریش راگەیاندرا

2020.05.21 - 22:12
بەدوای سلێمانیدا پێنج حاڵەتی توشبوون بە کۆرۆنا لە هەولێریش راگەیاندرا

ناس کورد-

لەدوای ڕاگەیاندنی پێنج حاڵەتی توشبوون بە ڤایرۆسی کۆرۆنا لە سلێمانی، وەزارەتی تەندروستیی هەرێم تۆمارکردنی پێنج حاڵەتی لە شاری هەولێریش ڕاگەیاند.

 

لە ڕاگەیەندراوێکدا وەزارەتی تەندروستیی هەرێم ڕایگەیاند: "لە بەردەوامی پشکنینەکان و گەڕان بەدوای گومانلێکراوان، پێنج تووشبووی دیکەی ڤایرۆسی کۆڕۆنای نوێ COVID-19 لە پارێزگای هەولێر دەستنیشانکران".

 

ئاماژە بەوەشکراوە: "توشبووەکان پێکهاتوون لە پیاوێکێ تەمەن ٨٥ ساڵ و دوو کوڕی گەنج تەمەن ١٦ و ١٢ ساڵ و ئافرەتێکی تەمەن ١٩ ساڵ و کچێکی گەنجی تەمەن ١٣ ساڵ، هەموویان بەرکەوتەی تووشبووانی پێشوون و دانیشتووی کۆمەڵگەی شاوەیسن لە شاری هەولێر".

 

ئەمە لەکاتێکدایە، هەر ئەمشەو و لە ڕاگەیەندراوێکی دیکەدا وەزارەتی تەندروستیی تۆمارکردنی پێنج حاڵەتی توشبوونی بە ڤایرۆسەکە لە شاری سلێمانی ڕاگەیاند.