گه‌ڕان

Shadow Shadow
سیاسه‌تی

تەندروستیى جيهانی لەسەر ئەو دەرمانەى ترامپ بۆ خۆپاراستن لە كۆرۆنا بەكاریدەهێنێت هاتەدەنگ

2020.05.21 - 22:03
تەندروستیى جيهانی لەسەر ئەو دەرمانەى ترامپ بۆ خۆپاراستن لە كۆرۆنا بەكاریدەهێنێت هاتەدەنگ

ناس کورد-

 

ڕێكخراوى تەندروستیى جيهانى كە چەندين جار لەلايەن دۆناڵ ترامپ، سەرۆكی ئەمريكا ڕوبەڕوى ڕەخنە بوەتەوە دەڵێت، تا ئێستاش دڵنيا نييە سەبارەت بە كاريگەرى دەرمانى "هايدرۆكسى كلۆرۆكوين" دژى ڤايرۆسى كۆرۆنا، ئەوەش ئەو دەرمانەيە كە ڕۆژانە ترامپ يەك حەبى لێ دەخوات.

 

لەوبارەيەوە دكتۆر مايكڵ ڕيان، بەڕێوەبەرى جێبەجێكارى بەرنامەى فرياكەوتنى تەندروستى لە ڕێكخراوى تەندروستى جيهانى وتويەتى، "هايدرۆكسى كلۆرۆكوين"  كە دۆناڵد ترامپ دەڵێت، ڕۆژى دانەيەكى لێ دەخوات، يەكێكە لەو چارەسەرانەى كە لەسەر ئاستى نێودەوڵەتى تاقيكردنەوەى لەسەر دەكرێت، بۆ ئەوەى بزانرێت كاريگەريەكەى دژى كۆرۆنا چەندە.

 

باسى لەوەشكردوە، تائێستاش گرنگى بە ڕەخنە بەردەوامەكانى ترامپ نادەن سەبارەت بە چۆنێتى مامەڵەكردنى ڕێكخراوەكە لەگەڵ ڤايرۆسى كۆرۆنا، لەوانەشە هەڕەشەكەى ئەم دواييەى بۆ وەستانى پارەى ئەمريكا بۆ ڕێكخراوەكە ئەگەر چاكسازى ڕيشەيى ئەنجام نەدات.

 

هەر سەبارەت بە  "هايدرۆكسى كلۆرۆكوين"  دكتۆر ڕيان دەڵێت، هەر دەوڵەتێك خاوەنى سەروەرى خۆيەتى بەتايبەتى ئەوانەى كە توانايەكى ڕێكخستنى چالاكيان هەيە، دەتوانن ڕێنمايى پێشكەشى هاوڵاتيەكانيان بكەن بۆ بەكارهێنانى هەر ڤاكسين و چارەسەرێك.

 

ڕوونیشیکردووەتەوە: " بەڵام دەمەوێت لەم قۆناغەدا ئاماژە بەوە بكەم كە تائێستا كاريگەرى هايدرۆكسى كلۆرۆكوين  ياخود كلۆرۆكوين نەسەلمێنراوە لە چارەسەرەكردن و خۆپاراستن دى ڤايرۆسى كۆرۆنا، لە ڕاستيدا بە پێچەوانەوە لەلايەن چەند لايەنێكى تايبەتمەندەوە هۆشدارى دراوە لە كاريگەريە لاوەكيەكانى  هايدرۆكسى كلۆرۆكوين".