گه‌ڕان

Shadow Shadow
سیاسه‌تی

حکومەتی هەرێم لەسەر ڕادەستکردنەوەی 176 بەندکراو لەلایەن یەکێتییەوە هاتەدەنگ

2020.05.21 - 20:10
حکومەتی هەرێم لەسەر ڕادەستکردنەوەی 176 بەندکراو لەلایەن یەکێتییەوە هاتەدەنگ

ناس کورد-

 

وەزارەتی ناوخۆی حكومه‌تی هه‌رێمی كوردستان ڕەتیدەکاتەوە حکومەت ئاگاداری ڕادەستکردنەوەی ژمارەیەک بەندکراوبێت لەسلێمانییەوە بە کەرکوک کە بەتۆمەتی تیرۆر دەستگیرکرابن و دەڵێت، نه‌ له‌كاتی گرتن و نه‌ له‌ كاتی راده‌ستكردنه‌وه‌ی ئه‌و تۆمه‌تبارانه‌ ئاگاداری بابه‌ته‌كه‌ نه‌بوون.

 

لە ڕاگەیەندراوێکدا وەزارەتی ناوخۆی حکومەتی هەرێمی کوردستان ڕایگەیاند: "لە ڕاگەیاندنەکانەوە هەواڵێک بڵاوکراوەتەوە سەبارەت بەڕادەستکردنەوەی 176 تۆمەتباری تیرۆرست لە سلێمانییەوە بۆ کەرکوک، هەروەها لێرە و لەوێ هەندێک لێدوان بڵاودەکرێنەوە کە گوایە ئەو کارە بە هەماهەنگی و ئاگاداری حکومەتی هەرێمی کوردستان بووە".

 

ئاماژە بەوەشکراوە: "بۆ ڕای گشتی ڕادەگەیەنین کە حکومەتی هەرێمی کوردستان نە لەکاتی گرتن و و نه‌ له‌ كاتی راده‌ستكردنه‌وه‌ی ئه‌و تۆمه‌تبارانه‌ ئاگاداری بابه‌ته‌كه‌ نه‌بوون".

 

وەزارەتی ناوخۆ ئەوەشی خستووەتەڕوو، بابه‌تی هه‌ماهه‌نگی كردن له‌گه‌ڵ ده‌سه‌ڵاته‌ فیدراڵییه‌كان رێكار و میكانیزمی خۆی هه‌یه‌، كه‌ له‌ لایه‌ن حكومه‌تی هه‌رێمی كوردستان و حكومه‌تی فیدراڵی به‌ یاسا و رێنمایی رێكخراوون و بابه‌تی راده‌ستكردنه‌وه‌ی ئه‌م تۆمه‌تبارانه‌ به‌ده‌ر له‌م میكانیزمانه‌ ئه‌نجامدراوه‌".