گه‌ڕان

Shadow Shadow
سیاسه‌تی

بەڕوداوێکى دەگمەن ناوى دەبەن

شارەزایانى کەشناسى سەریان لە دیاردەیەکى ناوازە سوڕماوە کە هاوینى عێراق بەخۆیەوە دەیبینێت

2020.05.21 - 13:26
شارەزایانى کەشناسى سەریان لە دیاردەیەکى ناوازە سوڕماوە کە هاوینى عێراق بەخۆیەوە دەیبینێت

ناس کورد- 

كەشناسێكی دیاری عێراقی سەرسوڕمانی خۆی لە گۆڕینى كەشوهەوا لەچەند ڕۆژی داهاتودا دەردەبڕێت كە بەهۆی پاڵەپەستۆی هەواوە دروستدەبێت و پچڕ پچڕ دەبێتە هۆی بارانبارین و ئەوەش بەڕوداوێكی دەگمەن وەسف دەكات.

 

سادیق عەتیە، شارەزا و پێشبینكاری كەشناسی عێراقی لە هەژمارەكەی فەیسبوكیدا نوسیویەتی، دابەزینی ساردیەك لەچینەكانی سەرەوە ڕوداوێكی دەگمەنە و ڕۆژانی زستانی بیردەكەوێتەوە كە ئەوەش سەرەتای هەفتەی داهاتوو ڕودەدات.

لەپۆستێكی دیكەدا واسق سەلامى کە کەشناسێکى ترى دیارى عێراقە باسی لەوە كردووە، نازانێت هەندێك نمونە پشتیان بەچی بەستووە كە ئاماژەیە بۆ بوونی بارانبارین لەوەرزی هاوین لەعێراقدا.



جەختی لەوەش كردووەتەوە، وەرچەرخانەكانی ئاو و هەوا و دابەزینی پلەكانی گەرما و بارانبارینی پچڕ پچڕ لەڕۆژانی یەكشەممە و دووشەممەدا ڕوودەدەن  لەچەند ناوچەیەكی باكور و خۆرئاوا و چەند ناوچەیەكی ناوەڕاست و خوارووی عێراق.



كەشناسە دیارەكەی عێراق ئەوەشی ڕوونكردووەتەوە، تەوژمەكە لەخۆرئاواوە بەگوڕترە و پێشبینی داكشانێكی توند لەسەرەتای هەفتەی داهاتوودا دەكرێت و لەوڵاتانی ڕۆژهەڵاتدا دابەزینەكە کاریگەری دەبێت.



سەلامى ئەوەى خستووەتە ڕوو، دابەزینی پلەكانی گەرما بۆ خوار 40 لەعێراقدا دەرفەتی هەندێ بارانبارین و هەورە تریشقەی جیاجیا دەدات و دابەزینەكەش لەڕۆژی یەكشەممەوە دەبێت تا كۆتایی هەفتە و دووبارە بەرزبونەوەی پلەكانی گەرما ڕوودەدەنەوە.