گه‌ڕان

Shadow Shadow
سیاسه‌تی

داواى گەڕاندنەوەى دەکرێت

ئەو بڕە پارەیە ئاشکرا بوو کە ئێران بۆ پاڵپشتى ئەسەد خەرجى کردووە

2020.05.21 - 09:02
ئەو بڕە پارەیە ئاشکرا بوو کە ئێران بۆ پاڵپشتى ئەسەد خەرجى کردووە

ناس کورد-

پەرلەمانتارێکی ئێران ڕایگەیاند، حکومەتەکەی لە سەرەتای سەرهەڵدانی قەیرانی سوریاوە تائێستا، نزیکەی 30 ملیار دۆلاری لە پاڵپشتیکردنی ڕژێمەکەی ئەسەددا خەرجکردوە.

 

حشمەتوڵا فەلاحەت پیشە، سەرۆکی پێشووی لیژنەی ئاسایش و سیاسەتی دەرەوەی ئەنجومەنی شورای ئێران، بە ڕۆژنامەی" ئیعتیماد"ی نیمچە فەرمی وڵاتەکەی ڕاگەیاندوە: "کۆماری ئیسلامی ئێران لە پێناو داکۆکیکردن لە حکومەتی سوریا و بەرەنگاربوونەوەی ڕێکخراوی داعش تائێستا 20 بۆ 30 ملیار دۆلاری خەرجکردوە".

 

 پەرلەمانتارەکەی ئێران بەپێویستیزانى وڵاتەکەی داوای گێڕانەوەی ئەو پارانە لە حکومەتی سوریا  بکاتەوە کە لەماوەی ساڵانی ڕابردوودا خەرجیکردوە.

 

هاوکات، ماڵپەڕی"بلۆمبێرگ"ی ئەمریکی، ئاماژەى بەوەکردوە کە ساڵی ڕابردوو حکومەتی ئێران زیاتر لە 16 ملیار دۆلاری وەک بودجە بۆ وەزارەتی بەرگری و پەرەپێدانی سیستمی بەرگریی ئێران تەرخانکردوە.

 

 ئێران هاوشان لەگەڵ ڕوسیا لە دیارترین ئەو وڵاتانانەن کە بەشێوەیەکی ڕاستەوخۆ  لە سەرەتای سەرهەڵدانی ئاڵۆزییەکانی سوریا لە ساڵی 2011 تێکەڵ بە قەیرانی ئەو وڵاتە بوون، ئێران لە پێناو مانەوەی ڕژێمی بەشار ئەسەد لە سوریادا بەشێوەیەی ماددی ولوجستی پاڵپشتی لەو ڕژێمە کرد و تائێستا دەیان سەرکردە و سەربازی سوپای پاسدارانی ئێران لەسەر خاکی  سوریا کوژراون.