گه‌ڕان

Shadow Shadow
سیاسه‌تی

ئەمریکا سزای بەسەر وەزیری ناوخۆی ئێران و چەند بەرپرسێکی ئەو وڵاتەدا سەپاند

2020.05.20 - 23:41
ئەمریکا سزای بەسەر وەزیری ناوخۆی ئێران و چەند بەرپرسێکی ئەو وڵاتەدا سەپاند

ناس کورد-

بەتۆمەتی دامرکاندنەوەى خۆپیشاندانەکانی ساڵی 2019ى ئێران بەهێزى چەک و توندوتیژى، ئەمریکا سزای بەسەر وەزیری ناوخۆی ئەو وڵاتە و چەند فەرماندەیەکی ئەمنی  ئەو وڵاتەدا سەپاند. 

 

وەزارەتی خەزێنەی ئەمریکا ڕاگەیەندراوێکی بڵاوکردەوە و رایگەیاند "عەبدول ڕەزا ڕەحمانی فەزلی، وەزیری ناوخۆی ئێران لە ساڵی 2019دا فەرمانی بەکارهێنانی هێزی دژ بە خۆپیشاندەرە سیڤیلەکانی ئێران دەرکردووە کە لە ئاکامدا هێزە ئەمنییەکانی سەربەوەزارەتەکەی دەیان خۆپیشاندەریان کوشتووە".  

 

 بەگوێرەی ڕاگەیاندراوەکەی وەزارەتی خەزێنەی ئەمریکا، عەبدول ڕەزا ڕەحمانی فەزلی، وەزیری ناوخۆیی ئێران، حەسەن شافارپور، نەجەف ئابادی، حسێن ئەشتری فەرماندەی هێزی ئاسایشی ناوخۆ هەردوو جێگرەکەی لەلایەن ئەمریکاوە سزایان خراوەتە سەر بە تۆمەتی پێشێلکردنی مافەکانی مرۆڤ و بەکارهێنانی هێز دژ بەهاووڵاتیانی ئێران".

 

بەگوێرەی ئەو سزایانەی کە وەزارەتی خەزێنەی ئەمریکا سەپاندوویەتی، سزاکان بریتین لەسڕکردنی هەموو ئەو موڵکانەى کە ئەو کەسایەتییە ئێرانیانەی کە ناویان لە لیستەکەدا هاتووە لە ئەمریکا، بلۆککردنی هەژمارە بانکییەکانیان، قەدەغەکردنی گەشت بۆ ئەمریکا و سزادانی هەموو ئەو کۆمپانیا و بانکانەی کە لەئایندەدا نیازی مامەڵەکردنیان هەبێت لەگەڵ ئەو کەسە سزادراوانە.