گه‌ڕان

Shadow Shadow
سیاسه‌تی

بەڕێوەبەرى گشتى تەندروستى سلێمانى هۆشدارى دەدات

وەزارەتى تەندروستى: سێ توشبوى نوێى کۆرۆنا لە سلێمانى تۆمارکران

2020.05.20 - 23:27
وەزارەتى تەندروستى: سێ توشبوى نوێى کۆرۆنا لە سلێمانى تۆمارکران

ناس کورد-

وەزارەتى تەندروستى حکومەتى هەرێمى کوردستان راگەیەندراوێکى لەبارەى تۆمارکردنى سێ توشبوى نوێى کۆرۆنا لەشارى سلێمانى، بڵاوکردەوە.

 

لە راگەیەندراوەکەى وەزارەتى تەندروستى حکومەتى هەرێمدا هاتووە "لە بەردەوامی پشکنینەکان و گەڕان بەدوای گومانلێکراوان، سێ تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران".

 

لەبارەى ناسنامەى توشبووە نوێیەکان لە راگەیەندراوەکەدا هاتووە " دوو ئافرەتی تەمەن ٤٥ و ٢٢ ساڵ و پیاوێكی تەمەن ٢٩ ساڵ یەک لە تووشبووان بەرکەوتەی تووشبووانی پێشووە و دوو تووشبووەکەی تر نیشانەی نەخۆشیان ھەیە و دەستنیشانکران، هەموویان دانیشتووی ناو شاری سلێمانین".

 

راگەیەندراوەکە لە کاتێکدایە کە کەمێک لەمەوبەر د.سەباح هەورامى، بەڕێوەبەرى گشتى تەندروستى سێمانى راگەیەندراوێکى بڵاوکردەوە و تیایدا هۆشدارى لە بوونى ئاماژەى ترسناک بۆ تەشەنەکردنى پەتاى کۆرۆنا لە پارێزگاى سلێمانیدا و هەروەها داواى لە هاووڵاتیان کرد کە تەندروستی خۆیان و کەسوکاریان لامەبەستە زۆر پابەندی رێنماییە تەندروستیەکان بن و جەختى لەسەر ئەوە کردەوە کە "کۆرۆنا هاوشێوەی تیرۆرستان دوژمنێکی نادیارە."