گه‌ڕان

Shadow Shadow
سیاسه‌تی

پلان بۆ ئامادەكارییەكانی سوپا داڕێژراوە

چەند بەڵگەنامەیەکی دزەپێکراوی پنتاگۆن: كۆرۆنا تا 2021 بەردەوام دەبێت

2020.05.20 - 13:45
چەند بەڵگەنامەیەکی دزەپێکراوی پنتاگۆن: كۆرۆنا تا 2021 بەردەوام دەبێت

ناس کورد-

بەپێی چەند بەڵگەنامەیەکی وەزارەتی بەرگریی ئەمریكا (پنتاگۆن) كە دزەی كردووەتە ناو میدیاكانەوە، بەرپرسانی باڵای ئەو وەزارەتی پلانیان داناوە بۆ ئەگەری مامەڵەكردنی سوپا لەگەڵ پەتای كۆرۆنادا تاوەکو ساڵی 2021.

 

بەپێی بەڵگەنامەکان كە لەلایەن ماڵپەڕی Task&Purpose بڵاو كراوەتەوە، هۆشداری دراوە لەوانەیە تاوەکو هاوینی ساڵی 2021 ڤاكسینی دژە كۆرۆنا بەدەست نەیەت.

 

لە ناوەڕۆكی یاداشتەكەدا هاتووە: "ڕێگەیەکی دوور و درێژمان لە بەردەمدایە، لەگەڵ ئەگەری سەرهەڵدانەوەى کۆرۆنا، بۆیە پێویستە لەسەرمان تەرکیز بخەینە سەر ئەرکەکانمان هەوڵەكانیش زیاتر چڕ بكەینەوە بۆ ئامادەكاری تەواو لە ئەگەری گەڕانەوەی شەپۆلێكی تری كۆرۆنادا لەمساڵدا." 

 

بەڵام ماڵپەڕی زە هیڵ زاری بەرپرسێكی پنتاگۆنەوە دەڵێت، نەیتوانیوە كۆپی ئەو بەڵگەنامەی دەستبكەوێت كە لە میدیاوە بڵاو كراوەتەوە و نەیشیتوانیوە لێی دڵنیاببێتەوە.

 

بەپێی هەواڵەکەى زە هیڵ، وەزارەتی بەرگری بەردەوامە بۆ پێشخستنی پلانێك تایبەت بە دۆخی ڤایرۆسەكە و هەندێك پلان باس كراوە لە نمونەی ئەو یاداشتە بەڵام هیچیان پەسەند نەكراون و ڕەشنوسی كۆتایی ڕەزامەندی لەسەر نەدراوە.

 

بەڵگە نوێیەكە گومانی ئەوەی كردووە  ڤاكسینەكە لە سەرەتای ساڵی داهاتوودا ئامادە ببێت.

 

لە بەڵگەنامە دزە پێكراوەكەدا باس  لەوەش  كراوە، سەرجەم ئاماژەكان بۆ ئەوە دەچن ئەوان لە ژینگەی ڤایرۆسەكەدا بە بەردەوامی كاردەكەن تا چەند مانگی داهاتو، پەتاكەش بەردەوام دەبێت تاوەكو بەرگریەكی گشتگیر لە بەرامبەریدا دروست دەبێت بەتایبەت دوای توشبوون و چاكبوونەوەی ژمارەیەكی زۆر.

 

داواشكراوە، پشكنینی زیاتر ئەنجامبدرێت و چاودێری ئەنجامی چارەسەری چاكبووەكانیش بكرێت.