گه‌ڕان

Shadow Shadow
سیاسه‌تی

سائیرون: بۆ پڕكردنەوەی وەزارەتە بەتاڵەكان كازمی پەیامێكی بۆ لایەنەکان ناردووە

2020.05.20 - 10:22
سائیرون: بۆ پڕكردنەوەی وەزارەتە بەتاڵەكان كازمی پەیامێكی بۆ لایەنەکان ناردووە

ناس کورد-

پەرلەمانتارێكی سەر بە ڕەوتەكەی موقتەدا سەدر ئاشكرای كرد، سەرۆكوەزیرانی عێراق بە ناڕاستەوخۆ لایەنە سیاسیەكانی بۆ تەواوكردنی دۆسییەی وەزارەتە بەتاڵەكانی ئاگادار كردووەتەوە و پێشبینیش دەكرێت بەمنزیكانە تەواو بكرێت.

 

مزر سەلمان، پەرلەمانتاری هاوپەیمانی سائیرون لە پەرلەمانی عێراق بە میدیا عێراقیەكانی ڕاگەیاندووە، ئەگەری هەیە 20 و 21ی ئەم مانگە كاندیدەكان بۆ پڕكردنەوەی وەزارەتە بەتاڵەكانی پێشكەشی پەرلەمان بكرێت.

 

ئاماژەی بۆ ئەوەش كردووە، لەم هەفتەیەدا پەرلەمان دەنگ بۆ پڕكردنەوەی كابینە بەتاڵەكان دەدات بەڵام تا ئیستا دەستەی سەرۆكایەتی هیچ كاتێكیان بۆ دەنگدان دیاری نەكردووە.

 

سەلمان وتوشیەتی، سەرۆكوەزیران لە نامەیەكدا داوا لە سەرۆكایەتی پەرلەمان دەكات كاتێك بۆ دانیشتنی متمانەدان بەو وەزارەتە بەتاڵانە دیاری بکرێت.

 

جەختی لەوەش كردووەتەوە، ئەو حەوت وەزارەتە بەتاڵە پڕدەكرێنەوە و یەكلادەبنەوە.

 

لای خۆشیەوە، عەلی تەمیمی، یاساناسی دیاری عێراقی ڕاگەیاندووە، دەستوری عێراق  بەپێی مادەی 76 كاتی بۆ پڕكردنەوەی كابینە وەزارییە بەتاڵەكان دیاری نەكردووە دوای متمانە وەرگرتنی حکومەت و ڕوون نەكراوەتەوە.

 

تەمیمی ئەوەشی خستووەتەڕوو، دوای متمانەوەرگرتنی كابینەكە بە پەنجا كۆ یەكی دەنگدەران، ئاماژە بۆ كاتی پڕكردنەوەی وەزارەتە بەتاڵەكان نەكراوە.