گه‌ڕان

Shadow Shadow
سیاسه‌تی

’باری نائاسایی لەو ناوچەیەدا ڕاگەیەنراوە’

میدیای سوریا: چەند داعشێكی زیندانیكراوی ژێر دەسەڵاتی هەسەدە هەڵهاتن

2020.05.17 - 21:05
میدیای سوریا: چەند داعشێكی زیندانیكراوی ژێر دەسەڵاتی هەسەدە هەڵهاتن

ناس کورد- 

ئاژانسی سانای سوریا كە میدیای فەرمی حكومەتی سوریایە بڵاوی كردەوە، چەند چەكدارێكی زیندانیكراوی داعش لەناو زیندانی هۆڵ لەحەسەكە كە لەژێر كۆنترۆڵی هێزەكانی سوریای دیموكراتدایە، هەڵهاتوون.

 

بەگوێرەى هەواڵێکى سانا، لەدوای ڕوداوەكەوە باری نائاسایی لەو ناوچەیەدا ڕاگەیەنراوە.

 

بەپێی ڕوانگەی سوری بۆ مافەكانی مرۆڤ، سەرەتای ئەم مانگە هێزەكانی سوریای دیموكرات توانیان ئاژاوەیەكی ناو زیندانەكە كە چەكدارانی داعش پێیهەستابوون لەناو زیندانیەكەی گەڕەكی گوێرانی شاری حەسەكە كۆنترۆڵ بكەن،دوای ئەوەی توانیان چەند کاتژمێرێک لەناو زیندانەكە درێژە بەكاری چەتەیی و ئاژاوەگێڕى بدەن.

 

هەر بەگوێرەى ئەو ڕێكخراوەی مافەكانی مرۆڤی سوریا، بەهۆی ئەو ڕوداوەی ناو زیندانیەكەوە 4 چەكداری داعش هەلەكەیان قۆستووەتەوە و توانیویانە هەڵبێن.

 

لەكاتی ڕوداوەكەشدا هێزەكانی سوریا دیموكرات بەپاڵپشتی فڕۆكە سەربازیەكانی ئەمریكا كە دەستیانكردووە بەفڕین لەو ناوچانە توانیان ئەو ئاژاوەیە دابمركێننەوە و بیخەنەوە ژێر كۆنترۆڵی كوردەوە.

 

ڕوانگەی سوری ئەوەشی خستووەتە ڕوو، دوای چەند كاتژمێرێك گفتوگۆی هاوبەشی نوێنەری هێزەكانی سوریای دیموكرات و هاوپەیمانان لەگەڵ چەند چەكدارێكی زیندانیكراو دەستی پێكرد بۆ هێوركردنەوەی دۆخەكە.

 

چەكدارانی داعش لەناو زیندانەكەدا دەستیانكردبوو بە هەڵكەندنی دەرگا و لێدانی چاڵ پێش ئەوەی هێزەكانی سوریای دیموكرات بەكارەكەیان بزانێت.

 

دوای شكستەكانی داعش، ژمارەیەكی زۆری چەكدارانیان لەباكوری سوریا خۆیان ڕادەستی هێزەكانی سوریای دیموكرات كرد و لەئێستاشدا لەلایەن ئەو هێزە و ناوچە كوردییەكانی ڕۆژئاواوە خراونەتە چەندین زیندانێكەوە و لەلایەن خۆسەری ڕۆژئاواوە سەرپەرشتی دەكرێن.