گه‌ڕان

Shadow Shadow
سیاسه‌تی

وادەی دابەشکردنی موچەى وەزارەتی پەروەردە ڕاگەیەنرا

2020.05.17 - 13:24
وادەی دابەشکردنی موچەى وەزارەتی پەروەردە ڕاگەیەنرا

 ناس کورد-

وەزارەتی دارایی هەرێم ڕایگەیاند، سبەینێ دووشه‌ممه‌، 18ی ئایاری 2020، موچه‌ی مانگی یەکی ئەمساڵی وه‌زاره‌تی په‌روه‌ده‌/ده‌ره‌وی شار  دابەش دەکرێت، هەروەها بۆ ڕۆژی سێشەممە، موچەی وه‌زاره‌تی په‌روه‌رده‌/ ناو شار خه‌رج ده‌كرێت.

 

بەپێی خشتەکانی پێشووی دابەشکردنی موچە، ڕۆژی پێنجشه‌ممه، 6ی ئایاری 2020، و ڕۆژی یەکشەممەش موچەى مانگی یەکی هەردوو وەزارەتی وه‌زاره‌تی دارایی و ناوخۆ دابەشکرا.  

  

ڕۆژی دووشەممە، 3ی ئایاری 2020، وەزارەتی تەندروستی هەرێم موچەى وەرگرت، هەروەها سێشەممە و چوارشەممەش وەزارەتی پێشمەرگە و لیواکانی حەفتا و هەشتا موچەیان پێدرا.  

  

بەهۆی نەناردنی پارەى موچەى هەرێم لەلایەن بەغداوە، دابەشکردنی موچە لە هەرێمی کێشەى تێکەوتووە و موچەى هەندێک وەزارەت 60 ڕۆژ دواکەوتووە.