گه‌ڕان

Shadow Shadow
سیاسه‌تی

بە پێچەوانەی عێراق قەبارەی هەناردەکردنی کاڵاکانی ئێران بۆ هەرێمی کوردستان لە زیادبووندایە

2020.05.16 - 22:25
App store icon Play store icon Play store icon
بە پێچەوانەی عێراق قەبارەی هەناردەکردنی کاڵاکانی ئێران بۆ هەرێمی کوردستان لە زیادبووندایە

 

 ناس کورد-

بەرپرسێکی ئێرانی ئاشکرایکرد، بەپێچەوانەی ڕاگرتنی ئاڵۆگۆری بازرگانی لە دەروازە سنورییەکانی سەر بە حکومەتی ناوەندیی عێراق، هەناردەکردنی کەلوپەلە جیاوازەکانی ئێران لە ڕێگەی دەروازە سنورییەکانی هەرێمی کوردستان لە هەڵکشاندایە.

کەناڵی ناس کورد لە تێلیگرام جۆین بکە   

 

شەعبان فرۆتن، سەرۆکی ژوری بازرگانی پارێزگای ئیلام لە لێدوانێکی ڕۆژنامەوانیدا بە ئاژانسی" ئێرنا"ی  کۆماری ئیسلامی ئێرانی وتووە : "لە چوارچێوەی پەیڕەوکردنی ڕێکارەکانی خۆپارێزی لە ڤایرۆسی کۆرۆنا لەئێستادا قەبارەی ئاڵۆگۆڕی بازرگانی و هەناردەکردنی کەلوپەلە جیاوازەکانی ئێران لە ڕێگەی دەروزازە سنورییەکانی هەرێمی کوردستانەوە گەشەییەکی زۆری بەخۆیەوە دیوە و لە هەڵکشاندایە".

 

ئەو بەرپرسە ئێرانییە ئاماژەی بەوەکردوە: "سەرباری ئەوەی ئێران دانوستانی زۆری لەگەڵ بەرپرسە عێراقییەکاندا کردووە بەمەبەستی دەستپێکردنەوەی  هەناردەکردنی کاڵاکانی ئێران لە ڕێگەی ئەو دەروازە سنورییانەی کە سەر بەحکومەتی ناوەندین، بەڵام تائێستا هەوڵەکانی حکومەتی ئێران لەو باریەوە بێ ئەنجام بوون". 

 

  ئەمە لەکاتێکدایە بەهۆی بڵاوبوونەوەی ڤایرۆسی کۆرۆنا لە وڵاتی ئێران بەشێوەیەکی بەربڵاو و ڕێکارەکانی بەرەنگاربوونەوەی ڤایرۆسەکە لە هەرێمی کوردستان و عێراق سنورەکان بەڕووی وڵاتی ئیراندا داخران.