گه‌ڕان

Shadow Shadow
سیاسه‌تی

ژێرزەمینی ڕۆژی دوایی .. لەكاتی کەرەنتینەدا دەوڵەمەندەكان لەكوێدا خۆیان دەشارنەوە؟

2020.05.16 - 11:46
 ژێرزەمینی ڕۆژی دوایی .. لەكاتی کەرەنتینەدا دەوڵەمەندەكان لەكوێدا خۆیان دەشارنەوە؟

ناس کورد-

لەو كاتەوەی ڤایرۆسی كۆرۆنا بڵاوبووەتەوە، ژمارەیەك لە دەوڵەمەندەكان بەدوای شوێنی دوورەدەست و پارێزراودا دەگەڕێن بۆ خۆپاراستنیان لە ڤایرۆسەكە، ژمارەیەكیان چوونەتە دوورگە دوورەكان و ژمارەیەكیشان ژێرزەمین و خانوونی تایبەتمەندی گرانبەهایان كڕیووە.

 

بەپێی ڕاپۆرتێكی بی بی سی، هەندێ لە دەوڵەمەندەكان لە ڕۆژانی كەرەنتینە و گرتنەبەری ڕیكارەكانی تەندروستیدا پەنایان بردووەتە بەر دورگە و قەڵای دوور، هەندێكیان لەنێو یەختە تایبەتیەكانیاندا ماونەتەوە و ژمارەیەكیشیان هوتێلی تایبەتیان بۆ خۆپاراستنیان لە ڤایرۆسەكە كڕێوە و هەندێكی دیكەیان پەنایان بردووەتە بەر ژێرزەمینەكان بۆ كەرەنیتنەكردن.

 

ئاماژە بەوەشکراوە، نرخی ژێرزەمینەكان كە بە ژێر زەمینی ڕۆژی دوایی ناسراو بەرزبووەتەوە بەڕێژەی 400% لەكاتی بڵاوبوونەوەی ڤایرۆسەكەوە.

 

گاری لینیش، خاوەنی كۆمپانیای ڕایزینگ ئەس بانكرز كە كاروباری چاككردن لەژێر زەمینەكاندا دەكات دەڵێت، كڕیارەكانیان بەدوای خۆپارێزیەوەن، نەك تەنها بۆ لێكەوتەكانی كۆرۆنا بەڵكو بەهۆی كێشە و قەیرانە ئابورییەكانەوە كە بەو هۆیەوە دروستبووە و بەو هۆیەشەوە ڕێژەی تاوان و دزی بەرزبووەتەوە، بۆیە ژمارەیەكی زۆری دەوڵەمەندەكان بۆ خۆپاراستنی سەرەوەت و سامانەكانیان لە كردەی تاوانباران پەنا بۆ ئەو شوێنانە دەبەن.

me_ga.php?id=117

ئاماژەی بۆ ئەوەشكردووە، هەندێك لەژێر زەمینەكان لەمادەی فۆلازی دروستكراون و دەرگاكانیان بەرگەی فیشەك دەگرن و هەوا گۆڕكێی باشیان هەیە.

 

بەوتەی خاوەنى ئەو كۆمپانیایە، ژێر زەمینەكان شوێنی 22 كەسیان تێدا دەبێتەوە و لە سێ ژوور چێشتخانە و حەوزی مەلەكردن پێكهاتووە و خواردنشى بۆ ماوەی شەش مانگ تێدا هەڵگیراوە.



لای خۆشیەوە، بینی ماسنگرۆف، سەرۆكی جێبەجێكاری كۆمپانیای quintessentially estates كە كاروباری خانوبەرە دەكات ڕایگەیاندووە، كڕیارە دەوڵەمەندەكانیان داوای خانووی تایبەتمەند و گرنگیان لێدەكەن كە ژێر زەمینی تێدابێت ئەوەش داواكارییەكی قورسە.

me_ga.php?id=118

باسی لەوەشكردووە، ژمارەیەك لە هاوڵاتیانی سكۆتلەندا داوای قەڵا دەكەن تێیدا نیشتەجێ ببن ئەوەش بەدەستخستنی سەختە .

 

بەوەى ماسنگرۆف، زۆرترین ئەو شوینانەی كە كڕیاران بەدوایدا دەگەڕێن لەكاتی بڵاوبونەوەی ڤایرۆسەكەوە دوورگە دوورەكانە چونكە پێانوایە لەهەموو شوێنێك زیاتر لەو ناوچانەدا پارێزارون لەكۆرۆنا.

 

بەپێی ئامارەکان، لەوكاتەوەی كۆرۆنا لەچینەوە بۆ وڵاتانی دونیا بڵاوبووەتەوە زیاتر لە چوار ملیۆن خەڵكی تووش كردووە و 302 هەزار و 489 کەسیش گیانیان لەدەستداوە.