گه‌ڕان

Shadow Shadow
سیاسه‌تی

فۆكس نیوز: ترەمپ ڕەزامەندی دەردەبڕێت بۆ دەستپێكردنەوەی پێدانى هاریكاریی بەڕێكخراوی تەندروستی جیهانی 

2020.05.16 - 09:40
فۆكس نیوز: ترەمپ ڕەزامەندی دەردەبڕێت بۆ دەستپێكردنەوەی پێدانى هاریكاریی بەڕێكخراوی تەندروستی جیهانی 

ناس کورد-

 

تۆڕی هەواڵی فۆكس نیوزی ئەمریكی بڵاویكردەوە، دۆناڵد ترەمپ خەریكە دووبارە هەندێك پاڵپشتی پێشكەشی ڕێكخراوی تەندروستی جیهانی دەكاتەوە، دوای مانگێك لە ڕاگرتنی بەهۆی ئەوەی كارەكانی ڕێكخراوەكەی وەك پێویست بۆ بەرەنگاربوونەوەى كۆرۆنا لەقەڵەم نەداوە.

 

بەپێی نامەیەكی پێنج پەڕەیی كە دەست کەناڵەکە کەوتووە، كۆشكی سپی ڕەزامەند دەبێت لەسەر پێدانی ئەو پاڵپشتیانەی كە چینیش بڕیارە بیداتە ڕێكخراوەكە.

 

بەپێی زانیارییەكانی بەرپرسێكی باڵای كۆشكی سپی كە بەكەناڵەكەی ڕاگەیاندووە، ترەمپ ڕەزامەند بووە لەسەر ڕەشنوسی نامەكە.

 

لەنامەكەدا لەسەر زاری ترەمپەوە ئەوە هاتووە، گەرچی ڕێكخراوەكە بێ خەوش نیە بەڵام لەو باوەڕەدایە هێشتا توانایەكی باشی هەیە و دەیەوێت تواناكانی زیاتر گەشەپێبدات بەتایبەت بۆ چارەسەر كردنی قەیرانە جیهانییەكەی ئێستا بەهۆی كۆرۆناوە.

 

باس لەوەشكراوە، بەو هۆیەوەیە ئەمریكا بڕیاریداوە بەردەوام بێت لە پاڵپشتی وكاركردن لەگەڵ ڕێكخراوی تەندروستی جیهانیدا و چینیش قەرزاری هەموو جیهانە و دەتوانێ پاڵپشتیەكانی پێشكەشی ڕێكخراوەكە بكات.

 

بەپێی فۆكس نیوز، پێشتر هاریكارییەكانی ئەمریكا بۆ ڕیكخراوی تەندروستی جیهانی دەگەیشتە نزیكەی 400 ملیۆن دۆلاری ساڵانە، گەر ئەمریكاش هاوشێوەی چین بەشداری لەهاریكارییەكانی ڕێكخراوەكەدا بكات ئەوا پاڵپشتیە نوێییەكە دەگاتە دە هێندەی ئەو بڕە پارەیە.

 

لەنامەكەدا باس لەوەشكراوە، گەر چین هاریكارییەكانی بۆ ڕێكخراوەكە زیاد بكات ئەوانیش بیر لەناردنی هاریكارییەكان بە ئەندازەى ئەوەی چین دەكەنەوە.