گه‌ڕان

Shadow Shadow
سیاسه‌تی

پێشبينين بۆ داهاتويەكى خەمناك

وێنەى منداڵانى خوێندنگاكانى فەڕەنسا ئەو وڵاتە دەهەژێنن

2020.05.16 - 08:32
وێنەى منداڵانى خوێندنگاكانى فەڕەنسا ئەو وڵاتە دەهەژێنن

ناس کورد-

 

وێنە خەمناكەكانى منداڵانى خوێندنگاكانى فەرەنسا ئەو وڵاتەى هەژاندوە و ڕاستى ژيانى خوێندنگاكانى جيهان پيشان دەدەن، كە بەهۆى ڤايرۆسى كۆرۆناوە تێيدا دەژين، منداڵان جياكراونەتەوە لەسەر زەوى و خەم لە چاوەكانياندا دەبينرێت، ئەوەش هەست و سۆزى فەرەنسيەكانى بەلاى خۆيدا ڕاكێشاوە.

 

لەوێنەكاندا دەبينرێت كە هەر منداڵێك لە مەيدانەكانى ياريكردندا لەوانى تر دابڕێنراوە و ناچار كراون كە ئەو خانەيەى بۆيان كێشراوە جێنەهێڵن، لەناو خانەكاندا دانيشتون و لە دورەوە سەيرى يەكترى دەكەن.

 

لۆرانس دى كوك مێژونوسى فەرەنسى وێنەى منداڵەكانى لە تۆڕى كۆمەڵايەتى تويتەر بڵاوكردوەتەوە و نوسيويەتى، "ئەم وێنەيە لە بيرەوەريمدا گيرى خواردوە.. ئەم وێنەيە خەمناكە، ناتوانين ئەمە ناو بنێين خوێندنگا".

 

بەرپرسان ئاماژەيان بەوەكردوە، ئەو خانانەيان كێشاوە تا منداڵان ناچار بكەن پابەند بن بە دوركەوتنەوەى كۆمەڵايەتى هەروەها ياريكردن و پێكەنين و سەماكردنيان بەيەكەوە بۆ ڕەخسێنراوە، بەڵام لەناو ئەو خانانەدا.

 

ئەو ڕێوشوێنانە وەك سزادانێكى ئەو منداڵانە سەير دەكرێت، هەندێك خەمبارى خۆيان لەو بارودۆخەى وڵاتەكەيانى تێدايە بەهۆى ڤايرۆسى كۆرۆناوە دەردەبڕن.

 

هەندێكى تر پێيان وايە، وێنەكان وەك ديمەنێكى ترسناك وان، هەندێكى تر دەڵێن وێنەكان جێى بێزارين، وێنەكان دەرفەتێكيان داوە بە جيهان كە خوێندن لە سەرجەم وڵاتانى جيهان دەستپێبكرێتەوە لەكاتێكدا كە ڤايرۆسى كۆرۆنا بڵاوبوەتەوە، پێشبينيش دەكرێت كە بەم نزيكانە پرۆسەى خوێندن دەستپێبكاتەوە.