گه‌ڕان

Shadow Shadow
سیاسه‌تی

يەكێتى ئەوروپا هۆشدارى دەدات: داعش هێرشكردنەسەر تيمە پزيشكيەكان بە كاريگەر دەزانێت

2020.05.14 - 21:08
يەكێتى ئەوروپا هۆشدارى دەدات: داعش هێرشكردنەسەر تيمە پزيشكيەكان بە كاريگەر دەزانێت

ناس کورد-



بەرپرسانى بەرەنگاربونەوەى تيرۆر لە يەكێتى ئەوروپا هۆشدارى دەدەن لەوەى ڕێكخراوى داعش بڵاوبونەوەى ڤايرۆسى كۆرۆناى وەك دەرفەتێك بەكارهێناوە بۆ چڕكردنەوەى هێرشە تيرۆرستيەكانى و هۆشداريش لە هێرشكردنە سەر تيمە پزيشكيەكان دەدات.

 

لەوبارەيەوە "جيل دى كيرشوف" ڕێكخەرى بەرەنگاربونەوەى تيرۆر لە يەكێتى ئەوروپا ئاماژەى بەوەداوە، ڕێكخراوى داعش بڵاوبونەوەى ڤايرۆسى كۆرۆناى وەك دەرفەت بەكارهێناوە بۆ چڕكردنەوەى هێڕشەكانى، هەروەها پێيان وايە كە هێرشكردنە سەر تيم و دامەزراوە پزيشكيەكان كاريگەرى زۆرە، چونكە وەك شۆكێكى گەورە دەبێت بۆ كۆمەڵگا.

 

باسى لەوەشكردوە، نمونەكانى پێشوو ئەوەيان دەرخستوە كە تيرۆرستان و توندڕەوەكان ئامانجى گۆڕينى كۆمەڵگە و سيستمى حكوميان هەيە ئەويش لەڕێگەى توندوتيژيەوە، هەوڵى ئەوە دەدەن كە قەيرانە گەورەكان وەك هەل بەكاربهێنن بۆ بەجێهێنانى ئامانجەكانيان.

 

ئەو بەرپرسەى يەكێتى ئەوروپا ڕونيشيكردوەتەوە، لەئێستادا زۆرينەى تيرۆرستان قەيرانەكان بۆ پڕوپاگەندە بەكاردەهێنن، ئەو ڕاستيە ئيستغلال دەكەن كە خەڵك لە بارودۆخى ئاسايى زياتر كاتەكانى لەسەر تۆڕەكانى ئينتەرنێت بەسەر دەبات، ئەوەش بەهۆى وەستانى دەوام و كارو پيشە و مانەوە لەماڵەوە.

 

بەپرسانى يەكێتى ئەوروپا پێيان وايە، تيرۆرستان نەبونى ئاسايش و لاوازى و ئەو زوڵمەى لە خەڵك دەكرێت بەكاردەهێنن بۆ بەدەستهێنانى پشتگيرى زياتر، هەروەها ڕێكخراوى داعش هانى شوێنكەوتوانى لە وڵاتانى خۆرئاوا داوە كە بارودۆخەكە بەهەل وەرگرن و هێرش ئەنجام بدەن، بەڵام تائێستا هێڕشەكان لەو وڵاتانە زياديان نەكردوە.