گه‌ڕان

Shadow Shadow
سیاسه‌تی

پەرلەمانتارێک: گەر كەرتی پەیوەندییەكان ببوژێنرێتەوە دەبێتە جێگرەوەى نەوت

2020.05.13 - 10:53
پەرلەمانتارێک: گەر كەرتی پەیوەندییەكان ببوژێنرێتەوە دەبێتە جێگرەوەى نەوت

ناس كورد-

ئەندامێكی لیژنەی دارایی لە پەرلەمانی عێراق ڕایدەگەیەنێت، كەرتی پەیوەندییەكان لە عێراقدا دواكەوتووە و كێشەی زۆری هەیە، گەر بێتو لەژێر دەستی حزب و بەرژەوەندییە تایبەتیەكان دەربهێنرێت ئەوا داهاتەکەى دەتوانێت ببێتە جێگرەوەى نەوت و قەیرانەكانی پێ چارەسەر بكرێت.

 

عەلا ڕەبیعی، ئەندامی لیژنەی پەیوەندییەكان لە پەرلەمانی عێراق بە میدیاكانی وڵاتەكەی ڕاگەیاندووە، زۆربەی وڵاتان كەرتی پەیوەندییەكان بە كەرتێكی گرنگ دادەنێن كە ڕۆڵی زۆری بۆ كۆكردنەوەی داهاتی دەوڵەت هەیە و بەشێكی زۆری بودجەكەیان پڕ دەكاتەوە، گرنیكدان بەو كەرتەش بۆ چارەسەر كردنی قەیرانی دارایی لەئێستادا ئێجگار گرنگە.

 

ئاماژەی بۆ ئەوەشكردووە، بەهۆی خراپ بەڕێوەبردن و گەندەڵیەوە بەتایبەت لە كۆمپانیاكان و چەند خزمەتگوزارییەكان و سستی هێڵی ئینتەرنێت سەرەڕای گرانی نرخەكەی لەچاو وڵاتانی دەرووبەردا عێراق تووشی كێشەی گەورە بووەتەوە لەو كەرتەدا.

 

ئەندامەكەی لیژنەی پەیوەندییەكان باسی لەوەشكردووە، پێویستە تەلەفۆنی نۆرماڵ كارا بكرێتەوە و كەرتەكەش لە قۆرخكاری سیاسی دوربخرێتەوە و پشتی پێ ببەسترێت بۆ چارەسەركردنی قەیرانی دارایی بەوەش دەتوانێت ببێتە سەرچاوەیەكی داهات لەبری نەوت.