گه‌ڕان

Shadow Shadow
سیاسه‌تی

’’ناپاکیمان نەکردووە و بەردەوامین’’

عەسائیبی ئەهلی حەق لەبارەى تێپەڕاندنی کابینەکەى کازمی: خواردنی گۆشتی مردوومان هەڵبژارد

2020.05.13 - 09:13
App store icon Play store icon Play store icon
عەسائیبی ئەهلی حەق لەبارەى تێپەڕاندنی کابینەکەى کازمی: خواردنی گۆشتی مردوومان هەڵبژارد

ناس كورد-

سەركردەیەكی دیاری عەسائیبی ئەهلی هەق لە عێراق زنجیرە هەڕەشەیەكی تر ئاڕاستەی ئەمریكا دەكات و دەشڵێت، قبوڵكردنی چەند بژاردەیەك كە لەپێناو چارەسەركردنی دۆخی ناهەمواری عێراق ئەنجامیاندا مانای دەستبەرداربوون و ناپاکی نییە لە ئامانجە سەرەكییەكانیان كە ڕبەڕووبونەوەی ئەمریكایە و لەكاتی گونجاویشیدا زەبری گورچكبڕیان ئاڕاستە دەكەن.

کەناڵی ناس کورد لە تێلیگرام جۆین بکە   

 

لە ڕاگەیەنراوێكیدا، جەواد تەڵیباوی، سەركردەی دیاری عەسائیبی ئەهلی هەق لە عێراق ڕایگەیاندووە، لە ماوەكانی ڕابردوودا پرۆسەی سیاسی بەقۆناغی دژواردا تێپەڕی و ئەوەش وای كرد هێزە سیاسیەکانی بەرخۆدان سازش لەسەر بەرژەوەندی نیشتیمانی بكەن بۆ سەركەوتنی بەسەر بەرژەوەندی گروپدا، بۆیە چەند بژاردەیەكی تاڵی پەسەند كرد هەر وەكو خواردنی گۆشتنی مردوو وەهابوو.

 

ئاماژەی بۆ ئەوەشكردووە، ئەو هێزانە و لەناویشیاندا جوڵانەوەی عەسائیبی ئەهلی هەق جەخت لەسەر ئەوە دەكاتەوە پەسەندكردنی ئەو بژاردانە بەواتای ئەوە نایاتە ناپاکی لە بنەما جێگرییەكانی كردبێت "بۆ بەرخۆدان و بەرەنگاری ئەمریكا و هێزە داگیركەرەكان و ڕوبەڕووبونەوەیان بەمەبەستی دەركردنیان لە عێراق سەرەڕای ئەوەی ڕوبەڕووبونەوەی داعش كە دروستكەری خۆیانە."

 

تەڵیباوی باسی لەوەشكردووە، سوتاندنی چەند بنكەیەكی سەربازیی هێزەکانی بەرخۆدان ئەوە ڕوونبویەوە حەشدی شەعبی و ئەو هێزانە دەتوانن وەڵامی ئەمریكا بدەنەوە بەڵام بۆ ئەوەی بیانویەك نەدەنە دەستەوە و پلانەكانی ئەمریكاش سەر نەگرێت وەڵامدانەوەیان دواخست.

 

سەركردە دیارەكەی عەسائیب دەشڵێت، "هێزەكانی حەشد و بەرخۆدان لەكاتێكدا كە دەستیان گرتووە بەسەر بنەما و بەرژەوەندی نیشتیمانییەوە، ئەوا جەختیش لە پابەندبوونیان بە بەرخۆدان و بەڵێنەكانیەوە بۆ سەندنەوەی تۆڵەی خوێنی سەركردە شەهیدەكانی و سەرجەم شەهیدانەوە" دووپاتدەكاتەوە .

 

لە كۆتایی ڕاگەیەنراوەكەیدا، تەڵیباوی ئەوەشی خستووەتەڕوو، "ئەو كەسە لە خەیاڵدا دەژت كە پێوابێت كۆڵیان لە ئامانجە سەرەكیەكانیان هێناوە، و هەڵەیە پێوابێت كە تۆڵەی خوێنی شەهیدەكانمان بیرچووەتەوە،" بۆیە پەیام بۆ ئەمریكا و هاوپەیمانەكانیان دەنێرن و پیاندەڵێن چاویان لەسەریانە و دەستیان لەسەر چەكەكانیان و لەكاتی گونجاودا وەڵامی گورچكبڕیان دەبێت.