گه‌ڕان

Shadow Shadow
سیاسه‌تی

وەزارەتی دارایی لە پێشینەی خانووبەرە و هاوسەرگیری خۆشدەبێت

2019.04.11 - 20:44
App store icon Play store icon Play store icon
وەزارەتی دارایی لە پێشینەی خانووبەرە و هاوسەرگیری خۆشدەبێت

کەناڵی ناس کورد لە تێلیگرام جۆین بکە   

ناس كورد-

وەزارەتی دارایی، رێنمایی نوێ و تایبەت بە لێخۆشبوون لە وەرگرتنەوەی پێشینەكان، لە هاوسەری شەهیدان و بێسەر و شوێنبووانی شەڕی داعش دەر دەكات.

بەگوێرەی رێنماییەكان، كە واژۆی رێباز حەملان، وەزیری دارایی و ئابوری حكومەتی هەرێمی كوردستانی لەسەرە و ئەمڕۆ 11ی نیشانی 2019دەرچووە، ئاماژە بەوە كراوە"هاوسەری شەهیدانی شەڕی داعش و بێسەر و شوێنبووان، لە دانەوەی پێشینەكان دەبەخشرێن".

لەرێنماییەكاندا روونكراوەتەوە، ئەو هاوسەری شەهید و بێسەر و شوێنانەی جەنگی دژ بە تیرۆریستانی داعش، قیستی یەكەمی پێشینەی سندوقی نیشتەجێبوونیان وەرگرتبێت و قیستەكانی دیكەی وەرنەگرتبێت، لە قیستی یەكەم دەبەخشرێت و لە كاتی ئاسایبوونەوەی بارودۆخی دارایی، قیستەكانی دیكەشیان پێدەدرێت و لە دانەوەی پێشینەكانیش دەبەخشرێن.

بەگوێرەی رێنماییە نوێیەكە، ئەو هاوسەری شەهید و بێسەر و شوێنانەی شەڕی داعش، كە داواكاریان بۆ وەرگرتنی پێشینەی خانوبەرە پێشكەش كردووە و رەزامەندییان وەرگرتووە، دوای ئاسایی بوونەوەی دۆخی دارایی پێشینەكانیان بۆ خەرج دەكرێت و لێیان وەرناگیرێتەوە.