گه‌ڕان

Shadow Shadow
سیاسه‌تی

قەدەغەى هاتووچۆ لەنێوان پارێزگاکانى هەرێم درێژکرایەوە

2020.05.10 - 23:40
قەدەغەى هاتووچۆ لەنێوان پارێزگاکانى هەرێم درێژکرایەوە

ناس کورد-

وەزارەتى ناوخۆى حکومەتى هەرێمى کوردستان بڕیاریدا قەدەغەى هاتووچۆ لەنێوان پارێزگا و ئیدارە سەربەخۆکانى هەرێم تا رۆژى 18ى ئەم مانگە درێژبکرێتەوە.

 

وەزارەتەکە لە ڕاگەیەنراوێکدا ئاماژەى بەوە کردووە، قەدەغەى هاتووچۆ لەنێوان پارێزگا و ئیدارە سەربەخۆکانى هەرێم لە 11ى ئەم مانگەوە بەردەوام دەبێت تا 18ى  ئەم مانگە.

 

هەروەها بڕیاریداوە، قەدەغەى هاتووچۆ لەنێوان هەرێم و پارێزگاکانى عێراق بەردەوام بێت، لەگەڵ ئەوەشدا کارئاسانى بکرێت بۆ ئەو هاووڵاتیانەى لەشارەکانى عێراق گیریان خواردووە تا دواى ئەنجامدانى پشکنینى کۆرۆنا بۆیان بگەڕێنەوە هەرێم.

 

بەپێی بڕیارێکى دیکەى وەزارەتەکە، خاڵە سنورییەکان و فڕۆکەخانەکان بە داخراویی دەمێننەوە بەرووى گەشتیاراندا.