گه‌ڕان

Shadow Shadow
سیاسه‌تی

حکومەتى هەرێم بڕیارى نوێى لەبارەى کارى تەکسى و پاسەکان دەرکرد

2020.05.10 - 20:00
حکومەتى هەرێم بڕیارى نوێى لەبارەى کارى تەکسى و پاسەکان دەرکرد

ناس کورد-

وەزارەتى گواستنەوە و گەیاندنى حکومەتى هەرێمى کوردستان چەند بریارێکى نوێی دەرکرد بۆ رێکخستنەوەى کارى تاکسى و پاس لەشارەکانى هەرێمى کوردستان.

 

بەپێی نوسراوێکى وەزارەتەکە، بڕیاردراوە بە هەڵوەشاندنەوەى کارکردنى تاکسییەکان بەپێی سیستەمى تاک و جوت و ئاسایکردنەوەى کارکردنیان بەپێی رێوشوێنەکانى خۆپارێزى لە کۆرۆنا.

 

ئاماژە بەوەشدراوە، بڕیاردراوە بە ئاسایکردنەوەى کارکردنى پاس و مینى پاسەکان لەسەرجەم پارێزگاکانى هەرێم لە سبەینێ دووشەممەوە.

 

لە چوارچێوەى رێوشوێنەکانى بەرەنگاربوونەوەى کۆرۆنا، بۆ ماوەى زیاتر لە مانگێک کارى تاکسى و پاس لە هەرێم قەدەغەکرا، دواتر بڕیاردرا تاکسییەکان بەپێی سیستەمى تاک و جوت کارەکانیان بکەن.