گه‌ڕان

Shadow Shadow
سیاسه‌تی

ئەردۆغان هەڵوێستى خۆى لەسەر کابینەکەى مستەفا کازمى ڕاگەیاند

2020.05.09 - 11:05
ئەردۆغان هەڵوێستى خۆى لەسەر کابینەکەى مستەفا کازمى ڕاگەیاند

ناس کورد-

 

رەجەب تەیب ئەردۆغان سەرۆککۆمارى تورکیا پەیامێکى ئاڕاستەى مستەفا کازمى سەرۆکوەزیرانى عێراق کرد بەبۆنەى متمانەدان بە کابینەکەى لە پەرلەمان.

 

 

ئەردۆغان لە پەیامەکەیدا پیرۆزبایی لە کازمى کردووە و ڕایگەیاندووە، متمانەدان بە کابینەکەى لەئەنجامى هەوڵى بەردەوامى کازمى بووە لەو بارەیەوە.

 

هەروەها متمانەى خۆى نیشانداوە کە کازمى سەرکەوتوو دەبێت لە ئەرکەکەى لەم قۆناغە سەختەدا، کە جیهان بەگشتى نەک تەنها عێراق پێیدا تێدەپەڕێت.

 

ئەردۆغان جەختیکردووەتەوە، تورکیا لەگەڵ عێراق دەبێت لەپێناو یەکگرتوویی و گەشەسەندنیدا، تورکیا دەیەوێت پەیوەندییەکانى لەگەڵ بەغدا پەرەپێبدات بەجۆرێک خزمەت بەبەرژەوەندییەکانى هەردوو وڵاتى دراوسێ بکات.

 

هەر لەو چوارچێوەیەدا سەرۆکى ئەنجومەنى دەوڵەت لە کۆمارى چین پەیامێکى ئاڕاستەى کازمى کرد و جەختیکردووەتەوە کە پەیوەندییەکانى چین و بەغدا لەم ساڵانەى دواییدا بەرەوپێشچونیان بەخۆوە بینیوە لەبوارە جیاجیاکاندا.

 

ئاماژەى بەوەشکردووە، حکومەتى چین گرنگى زۆر دەدات بە گەشەپێدانى پەیوەندییەکانى هەردوو وڵات و ئامادەیە بەردەوامى بدات بە هەوڵەکانى لەگەڵ عێراق بۆ بەرەنگاربوونەوەى کۆرۆنا و بەشداریکردن لە چالاکى ئابورى و کۆمەڵایەتى لە عێراق.