گه‌ڕان

Shadow Shadow
سیاسه‌تی

ئەبوبەکر هەڵەدنى بۆ گەڕاندنەوەى (شکۆ)ى پەرلەمان داواى دەستلەکارکێشانەوەى بەکۆمەڵ دەکات

2020.05.08 - 15:43
ئەبوبەکر هەڵەدنى بۆ گەڕاندنەوەى  (شکۆ)ى پەرلەمان داواى دەستلەکارکێشانەوەى بەکۆمەڵ دەکات

ناس کورد-

ئەبوبەکر هەڵەدنى، ئەندامى پەرلەمانى کوردستان لە فراکسیۆنى یەکگرتوى ئیسلامى بەرمەبناى هەڵگرتنى پارێزبەندى لەسەر پەرلەمانتاران و وەک هەڵوێستێک بۆ گەڕاندنەوەى ڕەوتى کارى پەرلەمانى کە ئەو بە شێواو ناوى دەبات داوا لە ئەندامانى پەرلەمانى کوردستان دەکات دەستلەکارکێشانەوەى بەکۆمەڵ پێشکەش بکەن.

 

 

لەمیانەى بڵاوکردنەوەى بابەتێک لە هەژمارەکەى خۆى ل فەیسبوک، هەڵەدنى ئاماژەى بەوە کردووە "کە مانگی دەی ساڵی 2015  ڕێگری لەسەرۆکی پارلەمان کراو بۆ ماوەی دووساڵ پەرلەمان پەکخراو تەنها بۆ مەبەستی ڕیفراندۆم کارا کرایەوە(ئەو ڕیفراندۆمەی سەری کوردی کرد بەقوڕاو پەنجا ساڵ دۆخی ئێمەی بۆ دواوە گێڕایەوە)بەداخەوە بەگرێی دەروونی وتۆڵە کردنەوەو دەستشکاندنەوەی حزبی هیچ هەڵوێستێکی کاریگەر دەرنەبڕدرا".

 

ئەو پەرلەمانتارە رونیدەکاتەوە "لەساڵی 2017  کەخۆپیشاندەران هاتنە ناو حەرەمی پارلەمان(کەلەهەولێر ڕێگە دان بەخۆپیشاندان ئەستەمە ودەسەڵات مەیلی نەبێت ڕوونادات) و سوکایەتیان بەپەرلەمان وپەرلەمانتار کرد ئەم جارەش بەسانایی تێپەڕێنرا".

 

لەبارەى دانیشتنەکەى دوێنێ (پێنجشەممە)ى پەرلەمانى کوردستانیش بۆ هەڵگرتنى پارێزبەندى لەسەر چەند پەرلەمانتارێک، ئەبوبەکر هەڵەدنى ئاماژەى بەوە کرد "دوێنێش ئەوەی کە ڕووی دا لەپێشهاتێکی ترسناک بۆ ئایندەی کاری پارلەمانی، بۆیە داواکارم لەو فراکسیۆن وپەرلەمانتارانەی کە دوێنێ بایکۆتیان کرد،گەر ڕێگا نەگرن لەم دەرکەوتە نوێیە، کاری پارلەمانی هیچ بایەخ وئەرزشێکی بۆ نامێنێتەوە و ناکرێ دوو ڕۆژی تر بەمجامەلە و پێکەنین وبە لۆژیکی (ئەمەش تێدەپەڕێ وخەڵک شتی بیر دەچێتەوە) یان بە (درۆی شاخداری یەکڕیزی ودۆخی ناسک) چاو لەڕاستیەکان بپۆشین و چارەسەری بنبڕو ریشەیی نەکەین، بۆیە پێشنیازدەکەم بەرەی بایکۆت کاران بۆ ئەوەی پەیامیان بگات و ستۆپێ بۆ شکاندنی شکۆی پارلەمان بکەین چەند هەنگاوێک بگرینە بەر".

 

ئەبوبەکر هەڵەدنى داوا لەپەرلەمانتارانى بایکۆتى دانیشتنەکەى دوێنێى پەرلەمان دەکات:

 

١/تا چەند مانگێک بایکۆتی پارلەمان و لیژنەکان بکەین.

٢/دەستلەکارکێشانەوەیەکی بەکۆمەڵ ئەنجام بدەین.

٣/ئەو فراکسیۆنانەی کە حزبەکانیان لە حکومەتن، لەحکومەت بکشێنەوە.

 

هۆشدارى ئەوەش دەدات "ئەگینا هەر وورە وورو دەنگ هەڵبڕین وکۆنگرەی ڕۆژنامەوانی هیچ جەدوایەکی نابێت".

 

جەختیشدەکاتەوە "ئامانج لەم هەنگاوانە گێڕانەوەی ئابڕوو وقورساییە بۆ پارلەمان، گەر ئەوەنەکەین پێشهاتی تری چاوەڕواننەکراو دێتە ڕێمان وعەرەب ووتەنی (القادم اسوأ)."