گه‌ڕان

Shadow Shadow
سیاسه‌تی

هێزە تورکمانەکان: نابێت پرسی کەرکوک تێکەڵ بە کێشەی یەکێتی و پارتی بکرێت

2019.03.03 - 10:50
هێزە تورکمانەکان: نابێت پرسی کەرکوک تێکەڵ بە کێشەی یەکێتی و پارتی بکرێت

 

 

ناس کورد-

 

هێزە تورکمانەکانی عێراق ڕایدەگەیەنن دەبێت هەموو پێکهاتەکان لە مەلەفی ئەمنی کەرکوک بەشداربن، هاوکات جەختیش دەکەنەوە کە پرسی کەرکوک تێکەڵ بە کێشەی یەکێتی و پارتی بۆ پێکهێنانی کابینەی نوێی حکومەتی هەرێم نەکرێت.

لە کۆبوونەوەیەکی فراوانی حزب و لایەنە سیاسییە تورکمانەکانی عێراق، چەند ڕاسپاردەیەکیان دەکرد کە بەشێکیان تایبەتن بە دۆخی شاری کەرکوک.

بەپێی ڕاگەیەندراوێک کە وێنەیەکی دەست ناس کورد کەوتووە، لایەنە تورکمانییەکان جەخت دەکەنەوە کە نابێت پرسی کەرکوک و پێکهێنانی حکومەتی خۆجێی ئەو شارە تێکەڵ بە کێشە و گفتوگۆکانی یەکێتی و پارتی بکرێت بۆ پێکهێنانی کابینەی نوێی حکومەتی هەرێم، هەروەها نابێت ئەو پرسە  تێکەڵ بە پێکهێنانی کابینەکەی عادل عەبدولمەهدیش بکرێت لە بەغدا.

لەبەشێکی دیکەی ڕاگەیەندراوەکەدا لایەنە تورکمانییەکان باس لەوە دەکەن کە ڕازی نابن بڵاوە بە "هێزی ئەمنی دەرەکیی" بکرێت لە کەرکوک و ناوچەکانی تر دوور لە دەسەڵاتی حکومەتی فیدراڵی لە بەغدا، دەشڵێن: "هێزی لەو شێوەیە دەبێت بکشێتەوە دەرەوەی سنوری پارێزگای کەرکوک و لەهەمان کاتیشدا دەبێت هەموو پێکهاتەکانی کەرکوک هاوبەشبن لە بەڕێوەبردنی مەلەفی ئەمنیی شارەکە."