گه‌ڕان

Shadow Shadow
سیاسه‌تی

ئەوروپا؛ هۆشدارى دەدرێت لە زيادبونى توندوتيژى دژى ژنان

2020.05.07 - 23:21
ئەوروپا؛ هۆشدارى دەدرێت لە زيادبونى توندوتيژى دژى ژنان

ناس کورد-

 

ڕێكخراوى تەندروستیى جيهانى نيگەرانى خۆى لە زيادبونى توندوتيژى خێزانیى لە كيشوەرى ئەوروپا دەردەبڕێت و تەئكيد دەكاتەوە كە ئەگەر ڕێوشوێنەكانى كەرەنتين بەردەوام بن 31 مليۆن توندوتيژى زياتر دژى ژنان تۆمار دەكرێن.

 

لەو بارەيەوە هانز كلوغ، بەڕێوەبەرى لقى ئەوروپاى ڕێكخراوى تەندروستیى جيهانیى ئاماژەى بەوەداوە، لە هەندێك وڵاتى ئەوروپادا 60% ى ژنان ڕوبەڕوى توندوتيژى بونەتەوە لە ماڵەكانياندا و ژمارەى پەيوەنديكردن بەو هێڵانەى كە دانراون بۆ ئاگاداركردنەوە لە توندوتيژى خێزانى پێنج هێندەى جاران زياديان كردوە، ئەويش لەوەتاى پەتاى ڤايرۆسى كۆرۆنا دەستى پێكردوە.

 

بەڕێوەبەرى لقى ئەوروپاى ڕێكخراوى تەندروستیى جيهانى دەشڵێت، ئەگەر كەرەنتينە و مانەوە لە ماڵەوە بۆ 6 مانگى تر بەردەوام بێت ئەوا 31 مليۆن توندوتيژى خێزانى دژى ژنان زياتر لە كاتى ئاسايى تۆمار دەكرێت.

 

كلوغ هانى دەوڵەتانى ئەوروپيش دەدات كە ڕێوشوێنى پێويست بگرنەبەر بۆ چارەسەركردنى توندوتيژى خێزانى، ستايشى ڕۆڵى ئيسپانيا و ئيتاڵيا و چەند وڵاتێكى تريش دەكات كە پەيوەندى كردن و ڕاگەياندنى ڕوداوەكانى توندوتيژى خێزانيان دژى ژنان ئاسان كردوە.