گه‌ڕان

Shadow Shadow
سیاسه‌تی

كام ڕەگەزانە لە جيهاندا مەترسى زياترى مردنيان بە كۆرۆنا لەسەرە ؟

2020.05.07 - 18:41
كام ڕەگەزانە لە جيهاندا مەترسى زياترى مردنيان بە كۆرۆنا لەسەرە ؟

ناس کورد-

 

بەپێى ڕاپۆرتێكى بەريتانى ڕەشپێستەكان و ئەوانەى لە بنەڕەتدا هندى و بەنگالى و پاكستانين زياتر مەترسى  گيان لەدەستدانيان لەسەرە بە ڤايرۆسى كۆرۆنا، ئەوەش بە لەبەرچاوگرتنى جياوازيە ئابورى و كۆمەڵايتيەكان.

 

نوسينگەى سەرژمێرى نيشتمانى لە بەريتانيا بڵاويكردوەتەوە، بە بەكارهێنانى دەرئەنجامێك بەپێى ژمارەيەك هۆكارى وەك كۆمەڵايەتى و ئابورى، جياوازيەكى زۆر هەيە لە مەترسى ڤايرۆسى كۆرۆنا لەسەر گروپە ڕەگەزييە جياوازەكان.

 

ڕونيشكراوەتەوە، ڤايرۆسى كۆرۆنا زۆر زياتر لە سپى پێستەكان مەترسى لەسەر هەندێك ڕەگەزى تر هەيە، لەوانەش، بەنگالى، پاكستانی، هنديەكان و هەندێك لە ڕەگەزە تێكەڵاوەكان.

 

زانايان باسيان لە چەند هۆكارێك كردوە، لەوانە ئەگەر بارى ئابورى و خوێندن و تەندروستى لەبەرچاو بگيردرێت، رەگەزى نێرى ڕەشپێست 4.2 هێندە و ڕەگەزى مێينەى ڕەشپێست 4.3 هێندەى سپى پێست ئەگەرى مردنيان بە ڤايرۆسى كۆرۆنا زياترە.

 

ئەوەش هاتوە، لە بارودۆخى ئاساييدا ڕەشپێست 1.9 هێندەى سپى پێست زياتر مەترسى مردنى لەسەرە بە كۆرۆنا، هەروەها ڕەگەزى نێرى بەنگالى و پاكستانى 1.8 هێندە زياتر مەترسى مردنيان هەيە، سەرەڕاى ئەوەى ڕەگەزى چينى و ڕەگەزە تێكەڵاوەكان هەمان ڕێژەى مەترسى  سپى پێستەكانيان هەيە.

 

هەمان ئامار ئەوەى ڕونكردوەتەوە، بەڕەگەز ئەفريقيەكانى ولايەتە يەكگرتوەكانى ئەمريكا مەترسى مردنيان زياتر لەسەرە بە كۆرۆنا، ئەوەش دوبارە تيشك دەخاتەوە سەر ئەوەى كە جياوازى لە چاودێرى تەندروستى و نا يەكسانى هەيە لەو وڵاتە.