گه‌ڕان

Shadow Shadow
سیاسه‌تی

ئەمریکا؛ چین بەردەوامە لەشاردنەوەی زانیارییەکان لەبارەی کۆرۆنا 

2020.05.06 - 22:43
ئەمریکا؛ چین بەردەوامە لەشاردنەوەی زانیارییەکان لەبارەی کۆرۆنا 

ناس کورد-

وەزیری دەرەوەی ئەمریکا، ڕایگەیاند، چین بەردەوامە لەشاردنەوەی زانیارییەکان لەبارەی کۆرۆنا و ئاماری دروست لەو بارەیەوە بڵاوناکاتەوە دەشڵێت، بەڵگەکان ئاماژە بەوە دەکەن ڤایرۆسەکە لە تاقیگەیەکی چین دزەی کردوە.

 

 

لە میانی کونگرەیەکی ڕۆژنامەوانیدا، مایک پۆمپیۆ، وەزیری دەرەوەی ئەمریکا، وتی:  "چین بەردەوامە لەشاردنەوەی زانیارییەکان لەبارەی کۆرۆنا و ئاماری دروست لەو بارەیەوە بڵاوناکاتەوە، بەڵگەکانیش ئاماژە بەوە دەکەن ڤایرۆسەکە لە تاقیگەیەکی چین دزەی کردوە".

 

 پۆمپیۆ وتیشی، چین ئەو کەسانەی سەرکوتکردوە کە ویستیان هۆکاری لەبارەی  ڤایرۆسی کۆرۆنا بڵاوبکەنەوە.

 

وەزیری دەرەوەی ئەمریکا بەڕۆژنامەنوسانیشی ڕاگەیاندوە، هیچ ڕێککەوتنێکیان لەبارەی کۆرۆنا لەگەڵ چیندا نەکردوە.

 

ئەمە لە کاتێکدایە، هەر ئەمڕۆ( چوارشەممە) هواچۆنیینگ، وتەبێژی وەزارەتی دەرەوی چین ڕایگەیاند: "پۆمپیۆ ناتوانێت هیچ بەڵگەیەک پێشکەش بکات بەوەی کە ڤایرۆسی کۆرۆنا سەرچاوەکەی تاقیگەی شاری ووهانە، بۆیە دەبێت پشتراستکردنەوەی سەرچاوەی نەخۆشییەکە بەجێبهێڵین بۆ کەسانی شارەزا و پسپۆر نەک بۆ کەسانی سیاسیی کە درۆ دەکەن و بابەتەکەش دەقۆزنەوە بۆ مەرامی سیاسی و ناوخۆیی".  

 

 ئەمە لە کاتێکدایە کە پێشتر وەزیری دەرەوەی ئەمریکا ڕایگەیاندبوو، زانیارییان لەبەرەدەستدایە کە دەیسەلمێنێت ڤایرۆسی کۆرۆنا لەتاقیگەکانی چین دروستکراوە و بەمەبەست بڵاوکراوەتەوە.

 

لای خۆشییەوە، ئەمڕۆ، (چوارشەممە 6ى ئایاری 2020  )چین جۆ، باڵوێزی چین، لە نەتەوە یەکگرتووەکان، هەموو جۆرە لێکۆڵینەوەیەکی نێودەوڵەتی دەربارەی سەرچاوەی ڤایرۆسەکە ڕەتکردەوە.

 

 وتی: "چڕکردنەوەی هەوڵەکانی بۆ قڵاچۆکردنی ڤایرۆسی کۆرۆنا دەبێتە کاری لە پێشینەی کۆمەڵگای نێو دەوڵەتی بێت و نابێت کات بەفیڕۆ بدەین لە ڕزگارکردنی توشبووانی پەتاکە".

 

باڵوێزەکەی چین لە نەتەوە یکگرتووەکان، سەرەکەونەی تۆمەتەکانی  بەرپرسە ئەمریکییەکانی کرد کە چین  تۆمەتباردەکەن بە هۆکاری بڵاوبوونەوەی  ڤایرۆسی کۆرۆنا.

 

لە ئێستادا زیاتر لە سێ ملیۆن و 500 هەزار کەس لە سەرانسەری جیهاندا گیرۆدەی ڤایرۆسەکە بوون و زیاتر 260 هەزارکەسیش بە هۆی ڤایرۆسەکەوە گیانیانلەدەستداوە.