گه‌ڕان

Shadow Shadow
سیاسه‌تی

حکومەتی هەرێم بۆ ئاساییکردنەوەی ژیان هەنگاوێکی دیکەی نا

2020.05.05 - 23:31
حکومەتی هەرێم بۆ ئاساییکردنەوەی ژیان هەنگاوێکی دیکەی نا

ناس کورد-

حکومەتی ھەرێمی کوردستان بەرەو ئاسایکردنەوەی ژیان ھەنگاوێکی دیکەی نا و بڕیاریدا لە سبەینێوە لە دەروازەی سنوری حاجی ئۆمەران بازرگانی کاڵاکان بەشێوەی ترانزێت دەستپێدەکاتەوە.

 

لە ڕاگەیەندراوێکدا کۆمەڵگەی دەروازەی نێودەوڵەتی حاجی ئۆمەران  ڕایگەیاند: "حکومەتی ھەرێمی کوردستان بەرەو ئاسایکردنەوەی ژیان ھەنگاوێکی دیکەی نا و لە سبەینێ چوارشەممەوە 6ی ئایاری 2020، بازرگانی کاڵاکان بەشێوەی ترانزێت دەستپێدەکاتەوە".

 

ئاماژەی بەوەشکردووە: "بەپێی بڕیارێکی بەڕێوەبەرایەتی گشتی گومرگ کەئاراستەی سەرجەم بەرێوەبەرایەتیەکانی گومرگ کراوە لە سبەینێوە لەپێناو بەرژەوەندی گشتی و زیادبوونی جوڵەی بازرگانی ڕێگەدەدرێت بە تێپەڕبوونی ڕاستەوخۆی کاڵاکان (ترانزێت )بەپێی ڕێنماییەکانی وەزارەتی دارایی و ئابووری".

 

ئەمە لەکاتێکدایە، بەهۆی ڕێکارەکانی بەرەنگاربوونەوەی ڤایرۆسی کۆرۆنا، لەماوەی ڕابردوودا هاتوچۆی گەشتیاری و بازرگانی لە دەروازەی سنوری حاجی ئۆمەران ڕاگیرا.