گه‌ڕان

Shadow Shadow
سیاسه‌تی

شارەزایەكی سووری: پەلامارەكانی ئەمدواییەی داعش پەیامی ئەمریكایە بۆ عێراق

2020.05.04 - 15:50
شارەزایەكی سووری: پەلامارەكانی ئەمدواییەی داعش پەیامی ئەمریكایە بۆ عێراق

ناس کورد-

 

شارەزایەكی سووری لەبواری گروپە توندڕەوەكان ڕایگەیاندووە، پەلامارەكانی ئەمدواییەی داعش بۆ سەر چەند ناوچەیەكی عێراق پەیامێكی دیكەی واشنتنە بۆ ئەوەی فشارەكانی سەری بۆ دەرچوونی لەعێراق كەمبكاتەوە و وای نیشانبدات، تەنها ئەمریكایە دەتوانێت سەرجەم پێكهاتەكانی عێراق بپارێزێت.

 

 

حوسام شوعەیب، شارەزای سووری  لە بواری كاروباری گروپە چەكدارەكان بە میدیا ڕوسییەكانی ڕاگەیاندووە، داعش بەشێوەی شەڕی مافیایی دەستی كردووە بە هێرش لەچەند ناوچەیەك لەعێراق، بەتایبەتی دژی هێزە عێراقییەكان و حەشدی شەعبی و چەند ناوچەیەكی سوریاش و هەوڵی كۆنترۆڵكردنی چەند بنكەیەكی سەربازی دەدەن، ئەوەش ئاماژەیە بۆ ئەوەی ئیستاش بە ناڕاستەوخۆ ئەمریكا پشتیوانی خانە چەكدارەكانی ئەو ڕێكخراوە دەكات و لەبیانویەك دەگەڕێت بۆ مانەوەی لەعێراقدا دوای ئەوەی فشارەكانی سەری بۆ جێهیشتنی ئەو وڵاتە زیادی كردووە.



ئاماژەی بەوەشكردووە، كاتێك داعش دەستی كردووەتەوە بە پەلاماردانی ناوچەكانی سەڵاحەدین و دیالە یاخود چەند ناوچەیەكی تر، ئەوە پەیامێكی واشنتۆنە و دەیەوێت بڵێت، هێشتا عێراق بەدەستی تیرۆرەوە دەناڵێنێت و تەنها ئەمریكایە دەتوانێت خەڵكی عێراق بپارێزێت بەهەموو پێكهاتەكانیەوە.



شوعەیب باسی لەوەشكردووە، ئەمریكا دەیەوێت داعش بمێنێتەوە بۆ بەستنی ڕێگەی بازرگانی نێوان ئێران و سوریا و عێراق بەپاساوی گەیاندنی هاریكاری بەو چەكدارانە، لەڕاستیشدا ئەو گروپانە هاریكاری سەربازی زەمینیان پێناگات و ئەوەش سیناریۆیەكی نوێیە بۆ ئاڵۆزكردنی دۆخەكە کە بۆ مانەوەی ئەمریكایە.

 

ئەمە لەکاتێکدایە، لە چەند ڕۆژی ڕابردوودا داعش چەندین هێرش و چالاکی چەکداری لە عێراق ئەنجامداوە و چەند جارێک هێرشیکردەسەر هێزەکانی حەشدی شەعبی لە سەڵاحەدین و دیالە و لە ئەنجامدا بە دەیان کوژراو و برینداری لێکەوتەوە.