گه‌ڕان

Shadow Shadow
سیاسه‌تی

پەرلەمانتارێكی فەتح: بەدوری دەزانم کابینەکەى کازمى متمانەی پەرلەمان وەربگرێت

2020.05.04 - 13:13
پەرلەمانتارێكی فەتح: بەدوری دەزانم کابینەکەى کازمى متمانەی پەرلەمان وەربگرێت

ناس کورد- 

پەرلەمانتارێكی هاوپەیمانی فەتح ڕایگەیاند، ژمارەیەك لەوەزیرەكانی كابینەكەی كازمی دۆسیەی گەندەڵییان هەیە و لەسەر بنەمای پشكپشكێنەی حزبی دانراون و بەدور دەزانرێت متمانەی پەرلەمان وەربگرێت.

 

میساق حامدی، پەرلەمانتاری هاوپەیمانی فەتح بەمیدیاكانی وڵاتەكەی ڕاگەیاند، كابینە وەزارییەكەی مستەفا كازمی خواست و داواكارییەكانی خەڵكی دابین ناكات و پێداویستیەكان پڕناكاتەوە كە وڵات ئێستا پیایدا تێپەڕ دەبێت.

 

ئاماژەی بۆ ئەوەش كرد، كازمی چەند كەسایەتیەكی كاندید كردووە دۆسیەی گەندەڵیان هەیە و سەرباری ئەوەش هەندێكیان پەیوەندیان بە ڕژێمی بەعسەوە بووە و ژمارەیەكیشیان هیچ باكگراوەندێكی سیاسی و شارەزای سەركردایەتیان نیە.

پەرلەمانتارەكەی هاوپەیمانی فەتح باسی لەوەش كردووە، كابینەكەی كازمی چانسی نابێت وبەپێی پشكپشكێنەی حزبی بەرتەسك بەشكراوە و زۆربەی پەرلەمانتاران ویستیان لەسەری نیە و تێپەڕینیشی لەپەرلەمانەوە بووەتە ئەستەم.

 

وتەكانی میساق حامدی لەكاتێكدایە، دوێنێ (یەكشەممە)، هەریەكە لەفراكسیۆنەكەی نوری مالیكی و ئەیاد عەلاوی لەپەرلەمانی عێراق، ڕەتیانكردەوە دەنگ بەكابینەكەی مستەفا كازمی بدەن و بەوەش پێدەچێت پرۆسەی متمانەدان بەو كابینەیە لەپەرلەماندا ئاستەنگی بۆ دروست ببێت بەهۆی ناكۆكی لایەنە شیعەكان لەسەر وردەكاری دیاریكردنی وەزیرەكان و پشكە حزبیەكانیان.